ياحبايب تعالوا نفضفض ونطلع اللي في خاطرنا وكل تساؤلاتنا

الحمد الله على كل حال ماطلع اسمي الله يعوضنا خير يارب نفسي اعرف لسى فيه دفعات او لا بعدين احنا الي ماطلعت اسمائهم نسجل في قياس الحين اولا ياليت الي تعرف تعطينا خبر انا قسم دراسات والعربي نفس اعرف متى كمان تسجيل القياس والله يجزاك الف خير صاحبه الموضوع


يارب اسالك انك ترزقني وترزق كل بنت تتمنى الوظيفه يارب فرج همنا وارزقنا يارب يارب انك على كل شي قدير والله انا في حاجه الوظيفه وحطمونا الحين كمان بذا الاختبار لاحول ولاقوه الابالله

الحمدلله على كل حال ماطلع اسمي الله يرزقناااا بفضله العظيم ومبروك اللي طلعت أسمائهم والله توقعت مع هالميزانيه الضخمه بنلقى واظايف وبتتسهل الامور الله يرزقنااا يارب

ايييييييييييييييييييه حسبي الله ع ذا البلد
والله نقاطي عاليه ومناطق ماخليت منطقه
لكن حسبي الله وكفى

بنفضفض وش ورانا ...انا زيك مستغربه ماطلع ولا وحدة من اقاربنا ولا من صديقاتي معقوله ..طيب لقيت كذا اسم من نفس العائلة متكرر والله العظيم وش بعد الأسماء ماحسيت أنها ٤٠٠٠ أحس أنها أقل من ذالك ..طيب نجي مربط الفرس الا هو قياس اللي رعب خلق الله بالنسبه لي ماراح أختبر ولاشيء ولا فكرت اني أسجل وأشوف بنات عالم حواء متحمسين وكل القسم اغلبه عن قياس الله يوفقهم ويجيبون درجات زينه ويتعينون واللي استغربته مرررره وحده تقول بعالم حواء الأسماء من الكلية المتوسطة معقوله هذه مادخلتي عقلي لأنهم ضيعوا علينا فرص وفي نفس الوقت راح يستبعدونهم وبالنهاية ألف مبروك للمتعينات والله يعطيكم خير هالوظيفة ويكفيكم شرها والله يرزقنا والله يعوضنا خير

هذي تسمى فورة بيبسي بعد مايتم تعين اللي ترشحوا يطلعوا اشاعة انه في احتياج في شهر كذا والكل بيتوظف و عاد هم خبرة في تهدئه الامور
ونفس الموال ينعاد كل سنه ولا في امير و اميرة كاتبين في تويتر الدولة مو مفروض عليها توظفكم يقولوا لو كنتي مجتهدين كان توظفتوا افضل الوظائف وهم ايش دراهم عن الشعب بس لو اننا متساوين في الحقوق ومو كل واحد يتوظف على حسب مكانته الاجتماعية ويقلون دولة تطبق الشريعة وليه احنا من العالم الثالث اذا اساس الدولة كذا ايش بيكون الشعب
على العموم اذا بتتكلموا في تويتر اي من خلف الاجهزة ماراح يصير شيء و ماطالعين الا عمرك في الستين ويالله حسن الخاتمة
اذا مافي ضجة تخلي امريكا تدرين عننا شرط من اليوم الثاني توظيف للكل بدون استثناء.