كانت امامنا عدة خيارات مصر او ماليزيا او تركيا
تركيا في عيد الاضحى حتكون برد وانا عندي 2 اطفال فماتنفع قمنا كنسلناها
ماليزيا طبيعه وحلوه بس المسافه طويله والاجازه كلها10ايام وخفت وقلت مابغى بلاش منها
بقت مصر قريبه وجوها حلو وتذاكرها رخيصه وتنفع للعوائل زي ماسمعت وقريت
كنت استغرب من بعض الاعضاء شدة تعلقهم بالقاهره لكن بعد مازرتها
عذرتهم واصبحت واحده منهم ومن يوم مارجعت وحشتني من اول وجديد
الرحله كانت يوم الثلاثاء 3-12-1431 الساعه 2 في الليل
عدد افراد الرحله 5 الكبار3 والصغار2 ماشاء الله
والناقل الرسمي كان شركة مصر للطيران وشعارهم استمتع بالسماء
وطيرانهم حلو ماعليه كلام
وصلنا مطار الملك عبدالعزيز في جده الساعه 12 وخلصنا شحن العفش
وقعدنا نستنا موعد صعود الطائره
زهمو علينا الساعه واحده ونص وركبنا الطائره واقلعت في موعدها 2
الحمدلله وصلنا القاهره وكان المطار حلو ونظيف وصرفنا من البنوك
الي في المطار وسجلنا الدخول ونزلنا اخذنا الشنط وكان السواق في الانتظار
الحمدلله ركبنا السياره واخذنا على فندق في وسط البلدكانت الساعه 6الفجر
حجزنا يوم عشان نرتاح وندور على شقه حطينا العفش وقلنا نرتاح شوي
قعدة اتفرج من الشباك على الشارع فاضي والمنطقه هادئه قلت احسن
عشان الواحد يرتاح وينام ويستعد للقاهره
هيا ساعه بالضبط الي نمناها ونصحى على ازعاج السيارات والعالم الي ماشيه
دنيا ثانيه اقوى انواع الازعاج في هذي المنطقه جاني صداع من قوة الازعاج
بعدين نزل ولدي الله يحفظه وجاب لنا فطور من جاد للفول والطعميه
والعصر نزلنا نتمشى في المنطقة برجولنا لفينا ميدان طلعت حرب والاسواق
واشترينا حلويات من العبد وايسكريم وكان الطعم لذيذ
بعدين رحنا شفنا الشقه الي بنستاجرها وكانت في العجوزه
منطقه رايقه بعيده عن الازعاج والنيل جنبنا واذا فتحنا الشباك مقابلنا
بعدين تعبنا ورجعنا الفندق وتعشينا من محل اسمه حنفي للكشري
وقلنا نرتاح عشان تاني يوم نروح الشقه وننفك من الازعاج الي كنا فيه
هذاباختصار احداث اليوم الاول
هذي اغراضنا جاهزه للسفر
هذي اطلالة الفندق الي في وسط البلد
هذامطعم جاد فول وطعميه
حلويات العبد
صورة الشقه
اطلالة الشقه في العجوزه
برج القاهره من الشقه
سبحان الله من اول ابغ انزل الموضوع بس ما لقيت فرصه الا هذا الوقت
وان شاء الله ترجع مصر زي اول واحسن
اذا عجبتكم البدايه كملت