مدخل .،.،.،.
يمه ترى ماأنسى خيالك قبالي
يمه خيالك مسكنه داخل العين
أذكر زمان أول وأنا في الدلالي
اذكر تعبتي معي وإنتي تربين
إليا سمعت الصـوت يرتاح بالي
وأنسى هموم الوقت وفرقى المحبين
يمه ترى الجنة معك والمعالي
يمـه قـدم رجلـك أحـطه على العـين
اسعد الله اوقاتكم بكل خير وحب وسعاده .........
( يمه .. امي .. ماما ) كلمه نطقناها بس ماحسينا بقيمتها الا لمن جربناها
اروع مابالكون يوم يجيك طفلك ملهوف عليك يناديك ماما ينسيك همك واوجاعك انتي ملجأه بعد الله .. انتي الصدر الحاني .. ومقابل هالكلمه عشان ماتحسين بانك ماتستحقين هالكلمه لازم ترعين طفلك وتهتمين فيه افضل اهتمام ورعايه سواء في الملبس المشرب المأكل و النظافه
وطالما اعتنيتي بنظافة طفلك في الصغر تأكدي راح يهتم بنظافته بس يعتمد على نفسه وهذا الشي اللي تطمح له كل ام
مااطول عليكم >>> اكثر من كذا مااعتقد فيه خخخخ
انا راح افشي باسرار عنايتي بنور دنيتي بنوتي
وطبعا اهم شي الاستحماااااام :
قبل كل شي احب اوضح بعض النقاط :
* كل جمعه اقصص اظافر يدينها ورجولها وامسحهم بفوطه مبلوله بمويه وديتول العنايه الشخصيه وبعدها اغسلها بالمويه والصابون
* كل شهر اخذ اطراف شعرها بس قبل ماازيته بيوم
* كل اسبوع اخرج ( اخراصها - حلقها ) وانظفه بمسحه طبيه وعطر الليمون وهذي صورته للي مايعرفه
* كل شهر افرك شعرها بملح خشن احطه بقصدير وادفيه في الفرن وافرك فروة شعرها وفايدته
انه يشيل اي رواسب دهنيه تترسب على المسامات وتعيق نمو الشعر وتسبب ريحه كريهه
@@@
قبل الحمام بساعتين ادهن شعرها بزيت سمسم و محلب مطحون ونارجين قبل مااستخدمه احط على المحلب والسمسم شوي نارجين وادفيها على النار واحطه مع الفرك الخفيف لمده خمس دقائق
بعد مرور ساعتين
احضر مقعد الاستحمام تبعها احطه لها بالبانيو واجلسها فيه مررره حلو واخذته من سنتر بوينت
احضر منشفتها وفوطه صغيره لوجهها
وسائل الاستحمام
( طبعا مستخدمه هذا النوع من وهي في اللفه مره مناسبني ومناسبها ومستحيل اغيره حتى لمنطقة الحفاظ )
والشامبو
( كنت على جونسون بس وديتها عند استشاري بخصوص الاكزيما دعواتكم لها بالشفاء التام واستشرته مره وحده بخصوص الشامبو وقالي الافضل استخدم هذا ومااتركه ابدا لان تنويع الشامبو كل فتره يتلف الشعر وقالي خليك على هذا ماتغيرينه ابدا ومكتوب عليه لاعادة الكيراتين ممتاااااز وريحته)
وليفتها >>> نسيت ماصورتها وحطيت من النت
واجهز مفرش التغيير وملابسها وحفاظها وبودرتها وكريم الحفاظ كيدو للبنات
وهذا هو بصوره مستقله مرررره جنااااان وفي للاولاد بعد
وخلطه كريميه
انا اسويها بالبيت والله اول ماسويتها ودعت لوشن جونسون وطقته نعومه وريحه وترطييييب ويبيييييض ( لاحظته بيض لي الاماكن اللي كانت فيها اكزيما وتحكها بنتي ورجعت مثل لون الجسم والله على مااقول شهيييد ) اخر الموضوع ادرج طريقتها
<<< يتبع رجاءً عدم الرد
اكون قبل الحمام بوقت مدفيه المكان اللي بلبسها فيه
احممها:
اغسل منطقة الحفاظ مضبوووووط
بعدين ابدا براسها
ثم جسمها
واركز على خلف الاذن - تحت الابط - ثنيات اليد - ثنيات الرجل - مفارق الاصابع سواء الرجل او اليد
انشفها
وانظف سرتها امسحها بمسحه طبيه بس
وانظفها بعود الاذان مره وحده بالاسبوووع الدكتور حذرني انظفها اكثر من كذا مدري ليش حتى الاذن يسري عليها نفس ماسرى على السره
وادهنها
وابودرها خخخخخ وماانسى تحت الابط والرقبه احط لها بودره
والبسها
امشط شعرها باتجاه نمو الشعر لان الشعر يكون وهو مبلول باضعف حالته وممكن لو تمشط عكس اتجاه نموه يطيح
اعطر شعرها بمسك عبد الصمد القرشي وملابسها بعطر بدون كحول <<<< لاتضحكون العطر باقي فيه قليل خخخ
والعطر من الماركه هذي بدوووون كحول حتى مكتوب على العطر بدون كحول وتلاقونه بالسوبر ماركت او الصيدليه او قزاز انا هنا مصورته وهو بالسوبر ماركت بس مو العطر ال toilette milk اللي جنبه على اليمين عطر وفي منه بعد لون وردي وفي ازرق وتقريبا كلها نفس الروائح ريحتها نظاااافه مع لوشن
واحيان انوع بدل المسك احط دهن للشعر من زهور الريف
واذا بروح زياره اعطرها بدهن ورد طاااائفي اصلي او دهن عود من عبد الصمد القرشي مخلط الشيخ سعد يجننننن
و احط لها كاب عشان مايصفقها الهوا واحيان ترضى وتخليه وغاااالبا ترميه خخخخ
وهذا البوكس حقها فيه كل شي عشان لمن احتاج شي الاقيه بدون مااضطر اقوم اجيبه
.......
وهذي مكونات خلطة الجسم
علبه كريم جليسوليد الحجم الوسط
علبه جلسرين نقي تلاقينه بالصيدليه
نصف القاروره موية ورد
ملعقة اكل فازلين
كلها بقدر وعلى النار
وتحركينها الين تمتزج مضبووووط وتحطينها بقاروره زجاج ضروووووري وتخلينها برى الين تصير بحرارة الغرفه وعلى الثلاجه ليلة كااامله واليوم الثاني تبدأين تستخدمينها ومو شرط تدخلينها الثلاجه وباماكنك تضيفين لها دهن مسك قليييل بس انا مااحط اكتفي باللي احطه لشعرها
وبس اتمنى مااكون اثقلت عليكم بس حبيت انقل لكم بكل صدق وامانه وشفافيه كل اللي اعمله لكتكوتتي واتمنى تكونون استفدتوا
واي استفسار او ملاحظه انا حااااااااضره وبالشوفه واتقبل انتقاداتكم وارائكم بصدر رحب
مخرج .،.،.،.،
امي ماهي ام امي كنزحنيه
حنان هالكون كله منوخذ منها
محبة الام ليه تكون مخفيه
محبة الام مدري ليش ندفنها
كلي لها بجد من راسي لرجليه
اعز من عزها واهين من هاينها