عزيزاتي بنات حواء ..... غالياتي ساكنات قسم تنظيف وتنظيم
ولإني كثيييييييييييييييييييييييييير استفدت من هالقسم بالذات لما أحسن بملل من شغل البيت الروتيني إللي مايخلص
حبيت أخدمكم واقدم لكم هالفكره الصغيره اللي بحمد الله جت في بالي من بعد عصر ذا المخ والدخله والطلعه على هالقسم
في مره ((من زمااااااااااااااااااااااان ))يمكن من سنه ونص شفت مطبخ وحده من العضوات (طبعا كانت تورينا طريقتها في ترتيب أدراج مطبخها وبالصور شفت ان عندها درج خاص بأغطية القدور ..ومن ذاك اليوم ونا أفكر وأفكر شلون أسوي نفس طريقة الدرج خاصة إن خلاص المطبخ وفصلته وتركب ....وكنت أعزي نفسي وأقول أصلا المطابخ اللي شفتها ماكان فيها هذي الطريقه لإن مطبخ العضوه ستايل أمريكي المطبخ مفتوح عالصاله جاهزه شقتها على حسب كلامها
مادري حسيت اني كثرت كلام بس علشان أوضح لكم الفكره مثل اللي كنت أبيه مثل هالصوره
بس ولإن مثل ماقلت المطبخ هخلاص مافي مجال
وانا أرتب المطيخ كان عندي على الطاوله كرتون موز فاضي وماكنت حابه أرميه احتمال أحتاجه وسبحان الله طرا في بالي إني أجرب في درج القدور خاصه ان عندي مشكله معاها برغم إني أصنفها وأحاول أخليها مرتبه ورا القدور إلا إن في بعض الاحيان لما أختار قدر من الكبار اللي أحطهم ورا ألقى أغطية القدور تستقبلني وتقرقع بالمطبخ وتعرفون إن القرقعه في بعض الأحيان تعبير عن الرفاله (اللهم ياكافي ))
المهم حطيت أغطية القدور داخل الكرتون بجانب بعض وحطيته بالدرج
ويالسعادتي:icon810:ضبط الشكل وتحقق أملي (ياهي احلام فقارا:redface:)
وماعادت أغطية القدور تستقبلني أبدا أبدا بل أصبحت تنتظر مني إخراجها متى ما أبي (أبوك يالفصحى)
وشوفوا الصور واحكموا
درج القدور (قبل)
وهاوشكلها (بعد )
لا وابشركم من زود السنع قلت بجربه لصواني البيت البلاستك والاستعمال اليومي
والنتيجه .....
قبل استخدام الكرتون
ترا الابريق الأصفر حق كشتات:35:
لاحظوا مافي مكان
وبعد الاستخدام النتيجه
تصدقون أصبح في المكان متسع (مو أقولكم فصحى)
لدرجة فكرت غني أحط الكرتون ومحتوياته فوق والرف التحتي أحط فيه صواني البايركس والكيك
بنات كتبت لكم موضوعي طمعا في الأجر ولإني فعلا كنت أحس اني محتاسه وغراضي مزحومه
موعلشان درجات الشكر برغم إن (من لايشكر الناس لايشكر الله:biggthump)
ودمتم بكل حب
