انا مثل حالتك افكر في شرائها بس احترت من كلام الاخوات

وفية طلع انواع و**** اني احترت بس شكلي باخذ الكبيرة اذا فيها كاس واغراض بتكل على **** وبشتري الكبيرة عشان الشهر الفضيل

وبرائيي خوذي الكبيره واتكلي علي الله

اشووف الصغيره افضل

غلا الرووح

ممكن لو سمحتي تقولين ووين مكاان وكيلها بالظبط بالمدينه واكون لك شاكره

مشكورين خواتي حيرتوني هههههه وانا ناويه من اول على الكبيره

السلام عليكم ورحمة الله وبركاته ...


حبيبتي كل وحدة لها وجهة نظر ... فيه اللي جربت العجانة الصغيرة وتمدح فيها لأنها ما جربت الكبيرة وفيه اللي جربت الكبيرة وتمدح فيها ... بس طبعا الجميع متفق على ان ماركة كينوود من الانواع الممتازة خصوصا ان لها وكيل في المنطقة وعليها ضمان وقطع غيار و ملحقات منوعة ...

بالنسبة لي جربت عدة انواع ومقاسات ...

عندي نوع قديم امريكي نسيت اسمه مو مهم اذكر عنه شي ..

وعندي عجانة كينوود الميجور وهي محور حديثنا .... اخذتها قبل 5 سنوات تقريبا اول ما نزلت بشكلها الجديد ...

وبعد ما سافرت احتجت عجانة صغيرة فاشتريت ماركة BOSCH ... اوروبية الصنع ايضا قوتها 550 واط وسعرها 900 ريال تقريبا ... وصار لها عندي كم شهر بس ... عملية لأن حجمها مره صغير ومعاها ملحقات كثيرة طبعا حسب الموديل ...


كينوود اللي عندي ميجور قوتها 1200 واط اذا مو ناسية المهم انها اكثر من 1000 واط وسعتها 6.7 لتر ... اشتريتها بدون ملحقات كان سعرها 1750 ريال من الوكيل ... بعدين اشتريت الملحقات اللي عجبتني او احتجت لها من فرامة وجيك وفرادة عجين وغيرها .... طبعا كنت بالبداية ناوية اشتري المقاس الصغير ( الشيف) بس ابو الشباب رفض وقال لي ان الكبيرة افضل وتوكلت على الله واشتريت الكبيرة ..

عجبتني سرعتها وطريقة عجنها ... في دقائق ويكون الخليط جاهز او العجين ... خصوصا اني من محبين عمل الحلويات والكيك والمعجنات ... فكان استخدامي لها بشكل يومي تقريبا ... يعني حللت قيمتها :42: هي مع ملحقاتها ...

طبعا هذا النوع من العجانات سواء المقاس الكبير او الصغير ... مو معمول للشيل والحط لأنه ثقيل ... يعني لازم تخلين مكان في المطبخ للعجانة وانتي تجيبين اغراضك ومكوناتك قريبا منها وتشتغلين ...

والآن بعد ما جربت العجانة الثانية الصغيرة اقول لك اشتري النوع الكبير اللي يجي فو 1000 واط ... بالنسبة لي ما اقتنعت كثير بأداء العجانة الصغيرة ... حسيت انها ابطئ بكثير وما تتحمل مقادير كبيرة يعني تتعب وهي تعجن مع انها تؤدي غرض وتخدم لكن مو بكفاءة النوع القوي ... مثل فرم اللحم ... خفق الزبدة والسكر ... خفق البيض ... عجن النوع الثقيل من العجائن ... عمل كريمات الكيك ... كلها بالنسبة لي لاحظت الفرق في النتائج

ولو تلاحظي في التلفزيون او اليوتيوب او المواقع الأجنبية ان اكثر الطباخين ومحترفين الطبخ دائما تلاقينهم يستخدمون اكبر واقوى نوع لأنه يخدمهم ونتائج شغلهم تكون مرضية او بالكفاءة اللي هم يريدونها .... انا مادري عن مدى امكانياتك بالطبخ لكن الانسان في تطور يعني لو ما كنتي اليوم تسوين هذا النوع الصعب من الحلويات مثلا بكره تتعلمين وتطورين من مهاراتك ... هذا رأيي الشخصي ...

وعلى فكرة ... العجانة الصغيرة اولا ما تستوعب كميات كبيرة لو حبيت يوم تسوي مقداير كبيرة ....
ايضا حجمها مو صغير مره يعني لازالت تحتاج مساحة في المطبخ حتى لو كانت اصغر من العجانة الكبيرة بشوي ...
الشي المهم ايضا ان قوتها اقل وبالتالي اداءها بيكون اقل كفاءة ...وايضا بتحتاج وقت اطول لتأدية المطلوب ...

سعرها مو رخيص ... مو ارخص بكثير من العجانة الكبيرة ...


العجانة الكبيرة ...او اللي قوتها اكثر من 1000 واط ... ممكن تعجن او تخفق كميات صغيرة جدا وايضا كميات كبيرة ضعف العجانة الصغيرة ... ومن تجربتي ... انا كنت اعجن فيها عجائن قليلة تصل الى كوب ونص دقيق ... وايضا عملت فيها 10 اكواب دقيق ... وتخفق بيضة واحدة او كمية كبيرة من البيض ... واللي تقول انها ما توصل للقاع يمكن لأن مضرب الخفق او العجن يحتاج وزن وتعديل حتى يكون ارتفاعه مناسب ... وكله مفصل بالكتاب المرفق والافضل قراءته لمعرفة امكانية الجهاز وطريقة استخدامه بشكل صحيح ....

ايضا السرعات الموجودة حسب الوصفة ونوع الشيئ ... المعجنات لها سرعات خاصة والكيك وغيرها ... وهذا موجود بالكتيب ...


الآن فيه انواع جديدة وقوة مختلفة ... بس اول ما اشتريت كان فيه نوعين ... لو بتخيريني بين الانواع بختار اللي فوق 1000 واط ... يعني اكثر شي ....

وهذا رايي ... وان شاء الله ربي يوفقك في شراءها ...