ياحياتي والله أثرت فيني قصتك مرة الله يهون عليك ويسهل لك وماعليك من كلام الناس مع انه مو ذابحنا الا هم والله اني اخاف احمل عشانهم ان ماحملتي قالوا ليه ماحملتي واذا حملتي قالوا هذي كل سنة جايبة بزر وزي ماقالوا البنات اقري على نفسك وشوفي استاذتك اذا تقدر تاجل الاختبار اشرحي لها ظروفك او هل ممكن تختبرين في نفس اليوم قبل البنات بساعة واطلعي على طول للمستشفى ترى انا زيك جبت بنتين ورا بعض بينهم سنة ونص وكل الناس ياربيه ومدري ايش كانهم هم الي بربونهم والحين متاخرة الدورة وربي خايفة موت وحللت منزلي وطلع سلبي وللحين ماجتني وبطني من ثلاث اسابيع يمغصني ونفسيتي زفت وحالتي انا وزوجي حالة الله يعين بس معليش طولت عليك بس لان كلامك واقع مرير نعيشه وحسيتك زي اختي الله يسهل امورك ويقومك بالسلامة.

ماعليك منهم الناس مايخلو احد بحاله اللي تحمل ليه حملت واللي ماتحمل وس فيها للحين ماحملت والله يعينك وييسر امورك امي تقول حلو الوحده تجيب اعيال وهي صغيره عسان تفرح فيهم وهي سباب وتخاويهم وتفهمهم الله ييسر امورك

والله العين حق اعوذ بالله من الحسد وش يظر لو قالت مشاء الله يتنقص يدها والا رجلها ياعالم حسسسسسسسسسسد مو طبيعي هذا اللي اقوله والله ياختي شوفيني بالرابع وافكر ماقول لاحد عن حملي الا لما اخذ اسبوع من الخامس خصوصا اني تاخرت بحملي الله يكفينا شرهم وحسدهم والعياذ بالله من انفسهم الشينه تلقين الوحده تسحب وراها جيش وحسوووده بعد وش تبين اكثر

والله ياعمري شوفي لك قارئ وخليه يرقيك وخوذي عسل وماء زمزم واقري فيه وخوذي منه وشغلي رقيه العين من اليوتيوب مليان ترا
وتدهني بزيت زيتون مقري فيه يطرد الشياطين وحافظي على صلاة الفجر والاذكار مو مهم جنس الجنين الموهيم مايجيه شئ والا يكون فيه شئ من عيونهم جعلها المرض اللي مايخافون الله

روحي لطواري على طول يااليمامه او الشمسي الله يهون عليك وتدهني بزيت مقري فيه دهني بطنك

دايما دايما اقري سورة البقره وتشوفين التساهيل بأذن الله وماتشوفين الا العافيه ***** الله