ياحريم انتبهوا لعيالكم وربي ماقدرت أنام الليل من اللي شفته ضروري تدخلون

بابدأ بالموضوع على طول وربي احس برجفه ودخلني خوف ماني قادره أنام زي الكابوس بوجههي.
السالفة إني كنت عن وحده من جاراتي وطلعت من عندها ع الساعة تسعه تقريبا دق علي زوجي قال أنا عند الباب اطلعي لأنه كان طالع مشوار والدنيا ليل والبيت مو قريب مره من بيتي ومعاي أغراض قلت له يجيني بالسياره المهم إني طلعت من البيت ما لقيت زوجي ماقدرت ارجع لجارتي استحيت بعدماطلعت أرجع فاضطريت استنى زوجي في الشارع .


شوي أشوف رجال يمشي معاه ولد صغير يمكن ثمان أو سبع سنوات مملوح ماشاء الله وشعرو طويل شوي وحلو والولد مرتب ولابس لبس حلو برمودا جينز وجكيت حلوين ماشاء الله متجهين لبيت قريب من بيت جارتي لكني ماأعرفهم ولأني فاضيه وهم على امتداد بصري صرت أراقبهم هم يتمشون عادي وواضح أن الرجال قريب للولد والرجال ماميزته زين من ناحية العمر بس جسمه كبير وشكله برضه وتصرفه كأنه مراهق الله يعافيه ولا يبتلينا هم كانوا يمشون عادي متجهين لبيت شكلوا برضه يقرب لهم والولد مبسوط لأنو على باب البيت أطفال كثييير فجأه الرجال قعد يتكلم مع الولد أنا ما أسمعه لكن من الحركات والتفاتته للولد عرفت
بعدها الولد قام يصييييييييييح ويصارخ صراخ يفججججججججججع والرجال يضحك ميت ضحك والولد يتسحب مايبي يمشي مع الرجال والرجال يسحبه بقوه ويضحك وأنا أسمعهم وأنا بعيده عنهم والولد يصرخ قسم صراخه بأذني للحين وكأنه يبغى يرجع ورى ع الجهه اللي جوا منها قعدوا كذا فتره الولد يصرخ والرجال يسحبه فجأه فلت الولد من الرجال وركض للبيت اللي على بابه أطفال. بيدخله ركض وراه الرجال وهو يضحك ويقول ياورع تعال وشال الولد بقوه والله إنه يفرفر في يد الرجال وجت سياره مسرعه فيها شاب واحد بس والرجال اللي شال الولد دخل الولد للسياره مع شباك السواق بإجبار الولد وركب مع الباب الثاني ومشيوا وجاء زوجي ومشيت . ما أدري ليه حسيت الرجال وضعه جداً مريب وضحكا ته غريييييييييييبه وتعامله مع الولد غريييييييييب والله يابنات إني بكيت بكاء وقمت أستودع الولد الله وأبين لهم إني قاعده أراقبهم علشان يخاف الرجال وهذي ثاني مره أشوف هالموقف بنفس المكان بس المره الأولى كنت بعييييده فما ميزت الأحداث زين.. هل الموقف مخيف أو أنا موسوسه زي ما يقول زوجي؟ أنا ما أعرف أصحاب البيت والا والله لأكلم أمهم وأقولها على اللي صار علشان تأخذ احتياطها . ويا حريم انتبهوا لعيالكم لا تخليهم يروحون مع أحد لو أخوك
وعلموهم إنو يقولوا لك كل شيء وعلميه لو أحد سوى له أي حركه يعلمك. حتى لو لمسه أو من ورى الملابس ولا يجلس مع كبار كثير خليه يصاحب من سنه. سبحان الله التحرشات تصيب الأطفال بصدمه نفسيه فما يقدروا يعلموا أهاليهم بس تلاقيه متغير نفسيته وأكله ومستواه الدراسي . حصنيهم بالأذكار واستوديعهم الله أصلحي نفسك وأعيني زوجك على الصلاح يحفظ الله أبناءك
كلنا يعلم قصة الغلامين اللي حفظ الله كنوزهم بصلاح جد لهم (وكان أبوهما صالحا) الله يحفظ لنا ذرياتنا وي عصمهم ويصلح شبابنا ويعفهم ويدمر كل من أراد الفساد لعقولهم وطهرهم ودينهم وعفتهم وعلاقاتهم .