ياحريم انتوا معي والا أنا غلطانة..موضوع للنقاش بخصوص جنس الجنين

السلام عليكم


بدون مقدمات


أخواتي أنا ملاحظة شئ مدري اذا انتوا لا حظتوه مثلي والا لأ ان اللي ربي يرزقها بطفل وتحمل بعد هالطفل على طول تجيب نفس جنس الاول

اما اللي تتأخر فوق السنتين او السنة ونص يتغير الجنس

مثلا أنا عندي اربع بنات ماشاء الله تبارك الله ومافي بينهم فترة راحة جبتهم وراء بعض يعني مايصير عمر البنت ثلاث اربع شهور الا وأنا حامل بعدين جلست ثلاث سنوات وحملت والدكاترة أكدوا لي ان اللي ببطني ولد ماشاء الله يارب لك الحمد

وأعرف قريبة لي كل خلفتها بنات وبناتها كلهن وراء بعض

وقريبة ثانية جابت بنت وحملت بعد نفاسها على طول وجابت بنت وجلست فترة مرتاحة وبعدين حملت جابت ولد

وجارتي حملت وعمر ولدها خمس شهور وجابت ولد والحين تشوفونهم كأنهم توأم ماشاء الله


يلا كل وحدة تقول لنا تجربتها وخصوصا اللي حملت وطفلها صغير وش جابت وهل نظريتي صحيحة والا غلط


:)