البس ساتر الحمد لله تنانير وفساتين 
عزايم او اعراس ، من صغرنا متعودين على الستر 
الله يجزي والديني بالخير في هالوقت شفت بعيوني تدرج العري 
كيف لبس الجدات و كيف لبس احفادهم ؟

وودي لو تشوفون حلقة من حلقات خواطر 
كيف الغرب كانوا يلبسوا زي جلابيات وفساتين جداتنا وكيف حالهم الحين !!
تدرجوا في المنكر والله يستر عليهم من عقوبة الله 
و البناطيل ما البس الا في بيتي او تحت العباية
بس صراحه وقت الهواء تلصق العباية و تطلع الجسم مرسوم 
مدري ايش اسوي 
الله يسترنا جميعا 

الحمدلله برى البيت عبايه .وعند الناس الي اجيهم تنوره فستان .وببيتي عند بناتي دشاديش.بقسمي الخاص غرفتي النوم العن ابو اللبس 😆👌. مجتمعنا كذا

هو على حسب نوعية العبايه مو الملابس اللي تحت بعدين كيف اذا جاء هواء تنكشف الفخوذ يعني العبايه تطلع لمن فوق من شده الهواء هذا اعصار مو هوا تقعد الوحده اجل في البيت بالنسبه للاستر البناطيل استر انا البس عبايه راس مقفله وجونتي لمن البس تنوره اذا طلعت درج يبان الساق لمن اجلس يبان كمان بس البنطلون استر طبعا يكون واسع قطني بعدين الستر في الحجاب مو باللبس اللي تحت العبايه

بالبيت البس قمصان قصيره قطن او ساتان بالليل وشورتات اوقات وقت الدوره البس بجايم طويله. وقت الخرجات مثلا جمعه مع صديقاتي او اخواتي البس فستان قصير او بنطلون ضيق وفوقه بلوزه مناسبه . اهل زوجي مضطره البس لبس ساتر جدا بما انه التنانير الطويله اكرهها واصلا ماتناسبني البس عندهم فساتين ناعمه طويله. اذا بروح زياره لاهلي البس حاجه مريحه وبس

موضوعك فيه مجاهره بالمعاصي ،، انتبهي ي اختي والله والله احزززن على كل وحده بالذات اذا كبيره وعندها بنات ولبسها بناطيل وجينز وغيرها اذا الام كذا اجل مين القدوه؟ و بتربي بنتها على كذا وبتكون سبب في غربة الاسلام في الاجيال القادمه يعني احنا ممكن نلبس تنانير وملابس ساتره اما بنات هالجيل اشوف الاغلب ماتعرف تمشي بالتنوره اصلا والبنطلون من كثر مانشوفه صرنا ماعاد نحس بالذنب نشوفه شي عادي مع انه محرررم كذا ديننا وربنا امرنا البسيه في بيتك وامام زوجك فقط 
ترا اخرتها قبر عودي نفسك على اللبس الساتر اللي يرضي الله مالك دخل بالناس وبناتك كمان ابعديهم عن الحرام لايكونوا ذنوب جاريه لك بعد موتك




وبالنسبه للي نصحتك بالنادي ممكن انها جاهله عن حكم الضيق لو نصحيتها وذكرتيها عادي،،وبالنسبه لقولك انتوا بنات البلد عادي عندكم لبسكم فهذي المشكله وصلنا لحاله ماننكر المنكر اساسا موحاسين انو فيه منكر خلاص الحرام اصبح حلال




على طاري النادي اقسم بالله العظيم اني كنت مقرره ادخله ورحت كنت بشترك وشفت منظر المدربه بنطلون ضيق وبدي فقط والمشتركات كمان كلهم بناطيل وترددت كثير ورجعت بيتي ((و مااقولها رياء بس اوضح لك من ترك شيئا لله عوضه الله خيرا منه)) وفي الاخير قررت اني مااروح النادي علشان مااشوف المنكر ذا ومااقدر انكره وكمان علشان نفسي ماودي اخرج قدامهم ببناطيل والله خلال شهر واقل كمان بدأ وزني ينزل ونزلت ست كيلو حتى والله وانا اناظر الميزان ماني مصدقه وكل من شافني يقولوا نحفتي بسرعه اش سويتي وانا احلف لهم ماسويت شي غير المشي 15 او 20 دقيقه والحمدلله ان ربي هداني واسأل الله لكن الهدايه والثبات
ونصيحه اخيره من قلبي اللي تشوف الحرام واشوفه عادي وماتنكره حتى بقلبها ترجع تحاسب نفسها وتتذكر الموت الحساب والجزاء