ياحريم تعالو.. وصفة للخياط

السلام عليكم ورحمة الله وبركاته

اليوم قعدت مع وحده تنفس الوالدات بالادويه وترددهم وعجبني كلامها وطريقة نفاسها وحسيت انها فاهمه حيل
قالتلي الحلبه حدها 10 ايام لانها تسبب رطوبه بالرحم
ولازم نلف البطن بخامه طويله بطريقه خاصه من تحت لفوق عشان الرحم مايطيح
وان الحسو اول 10 ايام الصبح وبعدين باقي الايام نستعمل العصيده مع الادويه طبعا
ولما نرضع لازم نحط تحتنا وسادات واجد عشان مانضطر نقعد بطريقة غلط تضغط على الرحم
المهم علمتني وصفة تشفي الخياط بسرعه وترد وتلم اللحم وتخليه ناعم لانه بعد مايطيح الخيط يكون اللحم محبب يعني جنه فيه حبوب وتزيل الالم وتعقم الجرح.

تحذير

نستعملها من اليوم السادس لين يطيح الخياط نكمل عادي عشان تنعم اللحم

المقادير:

- مقدار قبضة الايد متروسه من المره النجديه ( كمية بدينار ونص )
- 3 ملاعق كبيره زيت زيتون
- ملعقة صغيره كركم
- تقريبا كوب ونص ماي

الطريقة: ( حشا صارت طبخه :o )

-ندق المره ناعم حيييييييل بالهاون الحديد
-نغلي المره بالماي ( اهم شي مايكون الماي واجد عشان تتخثر )
-نطفي النار ونشخلها
-نضيف الزيت والكركم ونحركها عدل
-نحطها في علبة او بطل ماي صحه صغير

نخليها بالحمام وكلما نبي نتشطف نتنشف عدل ونرج العلبه ونبلل قطعه من القطن بالمحلول ونمسح الجرح

وانشالله اذا نفستني ببلغكم اذا نفاسها حلو والا لا لانها تقول ان نفاسها يطلع الهوا ويشيل الرطوبه ( تقول ان الحريم يقولولها طول الوقت تطلع اصوات من تحت ومستغربين وين كان هالهوا)

ياليت اللي تنجح معاها تبلغني :27: