السلام عليكم
كيفكم امورات.....
انا لاقيت في البحث مواضيع كثير عن الجلسات العربية
الي ابغاه طلبي جلسة ما تكون لها خشب يعني بس مراتب وارتفاعها بسيط بس تكون قاسية شوية عشان تستحمل لانها لغرفة الجلوس... الغرفة عندي سيراميك عشان كدا اتمنى ان الجلسة تكون بسيطة
الموديل الي ابغاه عبارة عن القماش ما اعرف ايش اسمه زي الي في برنامج مصطفى حسني الداعية الشاب الي يجي في برنامج على قناة المحور اظن الي هو يجيكم لون المخدة او المسندة لون ابيض على رمادي على بيج مخطط بأحمر يعني زي الجلسات البدوية بس على شياكة ما ني عارفة اوصف بس اكيد الخبيرات يعرفوا قصدي
انا ابغى اللون هدا بس ما لاقيت جلسات كدا انا اقصد القماش الخشن الي زي الصوف بس معمول بخامة متينة وناعمة بنفس الوقت... يارب تكونوا فهمتوا قصدي ويارب الاقي الي تساعدني فين الاقي محلات تبيع جاهز او تفصل في مكة واذا مافي في جدة وياريت على الاقل الي فهمت قصدي تحطلي صور لهذا النوع من المجالس لاني دخت ما لاقيت صور:44:
english-teacher4u @english_teacher4u
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️