ياحريم حواء اعطوني حل تعقددددددددددت

يمكن المجاري عندكم ولا بد خلي ابو الشباب يكب اسيد في فتحات البياره مو انت تراها خطره والتفتيشات اللي برى وحاولي واذا انتي في مجمع شقق انك تقولين لاهل الشقق الباقيه انهم يكبون برضوه الاسيد وان شاء الله اني افدتك

لا المشكله مو من رايحة البياره
المشكله البيت فيه ريحه ماتروح

اول شي وقبل كل شي ، شغلي سورة البقره او اقريها بكل مكان بالبيت..

غيري ادوات التنظيف والفوط او المنظفات ،، لاتخلطين منظفات ، مثلا اغسلي السيراميك والحمامات بالكلور

وغبري المفارش، حطي الكنب واي شي فيه قماش بالشمس وافركيهم ب فانش وبعدين رشيهم بمسك وماء ورد او مسك مع عطر فراش او كمفورت( على حسب المتوفر عندك) ،،، الرش يكون خفيف وقبل ما ادخليهم البيت بدقايق.

نظفي البيت على راحتك ، وامشي مع التجمعات غرفه غرفه او على حسب استطاعتك غرفتي ثلاث.

خلي التنظيف يكون شامل من فوق لتحت : المراوح ، المكيفات (صح يمكن في شي داخل المكيف ، خلي بو الشباب يوديه يغسلونه- انا عندي مكيف الغرفه اذا قصرت عليه طلعت ريحة بول وانتي بكرامه) فوق الكبت ، خلف الكبت ، تحت السرير

اذا في ثلاجه في الغرفه يمكن تحتها ماي ومتعكر..

يعني باختصار سوي هجوم شامل كامل على البيت والكمال لله..

وانتي تنظفي لا تنسي التسبيح والتهليل والتكبير والاستغفار..


والله يوفقك ويعينك على الريحه..

رفع

الله يعينك