السلام عليكم ورحمة الله وبركاته
بنات
كثروا من لا حول ولا قوة الا بالله العلي العظيم

ويارب نفرح قريب
ياااااااااااااااااااارب بشرني في خواتي وافرح فيكم وتفرحون فيني يارب

اللي يسالون عني تشتاق لكم العافيه....والله اني موجوده واقرا تعليقاتكم بس مليييييييت من كل شي ما ابي ارد ولا ابي ولالالا شي...:(

تدرون يابنات وحده من اقاربنا نفس عمري وتخرج ولا توظفت ولا تزوجت يعني مثلي...وطبعا كل مره نحضر زواج الناس كلهم يناظرون فينا لان الوحيدات اللي في ذا العمر ومو متزوجات.... قريب سمعت انها انخطبت مو اكيد الخبر....بس قلت بنفسي يمكن زواجها العطله...ونسيت الموضوع...

تصدقون قبل كم يوم جتنا كرت زواجها في بدايه العطله...:44: والله يابنات اني فرحااانه لها خاصه انها في عمري وتزوجت....بس وانا ماسكه الكرت حسيت اني متضاااااااااايقه من قبل كنت اعزي نفسي فيها والحين بحضر زواجات وماراح اشوفها..لانه بيكون زواجها....الله يرزقنا في القريب العاجلا...

حتى وحده ثانيه من اقاربنا اكبر مني يمكن 29 والله يابنات انها عااديه ولاتدرس ولا تطلع ولا شي...وزواجها بعد اسبوعين...ماشاءالله
لا تقولين تفائلي انا اكثر وحده متفائله...بس غصب يجين الاحباااااط....:(

ياريت يكون حلمك صح تستاهل كل خير

كيوت ...لماذ االحزن تفائلي وامتلئي أمل ولا تجعلي الناس عزائك بل اجعل الله املك

الله يرزقكن الازواج الصالحين

بنات خلونا نتفق الي عندها قدره ماديه كل يوم تتصدق بريال واحد وتحطه في ظرف وكل مارحت مكان تعطيه احد
محتاج عامله نظافه عامل عجوز بزر عند اشاره اي احد وهكذا كل يوم تحط ريال واحد ومتى مارحت اي مكان تاخذ
الفلوس الي تجمعت وتعطيها احد وترجع تحط من جديد وتنوي هالصدقه ان ربي يكتب لها فيها حسنه ويغفر لها ويرضى عنها ويرزقها احسن الشباب الي يسعدها وتدعي كل مره تحط فيها هالصدقه
والي عندها حساب في الراجحي في خدمه الجمعيات الخيريه كل يوم ادخلي وتصدقي بريال لاتستحقرينه ابدا وانويها

+
كفاله يتيم شي عظييييييييييم قسم بالله الي تقدر عليها لاتفوتها ابدا والله سهله وميسره وماتحتاج اي اجراءات معقده في دقايق تخلصينها الله يكتبها لي يارب

+
الصيام كل اثنين وخميس والايام البيض من الحين الين يجي رمضان وادعي وانتي صايمه دعوه الصايم مستجابه

+
قراءه سوره البقره يوميا مانبي نقراها بنيه الزواج لانها مايجوز لكن نبي نقراها لااجرها العظيم والخير الي فيها
وعشان تشفينا اذا فينا عين موقفه نصيبنا
+
يوميا قبل ننام نقراء سوره الفاتحه 7 مرات ومافوق الرسول يقول افضل رقيه وانها الشافيه باذن الله

+
قيام الليل لو مرتين في الاسبوع انااحاول اقوم ليله الجمعه اهم شي وباقي الايام لو عشر دقايق قبل الفجر اصلي الشفع والوتر انااجلس اصلي في المجلس اهدء من غرفتي بعيد التلفزيون والنت وكل شي والمجلس يطل على الشارع افتح الشباك واجلس اصلي واطالع السماء في هالوقت منظرها يجنننن جو مايتفوت وانتي جالسه تصلين وتستغفرين تحسين ربي معك ويسمعك ويشوفك

+
الاستغفاااااااااااااااااااااااااااااااااار شي عظيم عظيم يارب مدري وين كنت غافله كل هالسنين عنه
نستغفر عشان ربي يرضا عنا ويغفر لنا ووقتها بس بيرضينا ويعطينا لان احيان الذنوب تاخر استجابه الدعوا
وحنا نبي احسن الازواج الي يسعدونا ويعوضونا ونبي ربي يستجيب لنا دعواتنا ويرزقنا الي دعينا فيه بالضبط
اذا مو احسن وافضل بعد مانبي حيا الله زوج وبس لااااااااااا نبي احسن الشباب وهالشي ماراح ناخذه الا بكثره الاستغفاااااااااااار والدعاء تصدقون يابنات اني من صرت استغفر احس نفسيييي ارتاحت يعني ماعاد اشيل هم
انخطب ماانخطب حتى اذا انخطبت احس اني بارده مااحرق اعصابي واتعب وافكر لا صرت عادي اكثف استغفار
وادعي واستخير وصح مايصير نصيب بس هذا خيره لان ربي يبي لي الافضل وبيعوضني


اذا التزمنا بهذا كله باذن الله الواحد الحي القيوم مايجي عيد الفطر الا وكلنا الي مخطوبه والي مملكه باذن الله
اهم شي مانيأس ولا نخلي شي يحبطنا نبي نتفاءل عشان نفسياتنا قبل كل شي
انا عندي احساس كبير مانتهي هالسنه الا وانا على الاقل مخطوبه للي اتمناه وادعي ربي فيه وقلت هالشي لخواتي بعد اخر خطبه فااااااااشله
ومتاكده باذن الله ربي بيجبر خاطري وماراح يكسر قلبي عندها

ورمضان على الابواب ياكثر البنات الي اعرفهم تركوا كل شي يلهيهم بهالدنيا في هالشهر الفضيل وخلو كل اوقاتهم
للدعاء والاستغفار وقيام الليل وقراءه القران وربي رزقهم بعد رمضان مباشره وبعضهم انخطبوا برمضان ماشاءالله
انااتمنى من كل قلبي انخطب في رمضان للي هو نصيبي احسه ذكرى ماتنسى ابدا