حياتك على وشك الانهيار لان اولاد زوجك ماحبوك؟؟
شوفي ياقلبي سنه ونص لسى بدري على ان الكلافه تطيح بينكم او بمعنى اصح انهم يتقبلون وجودك وهذا شي طبيعي
خلي كل شي يجي بوقته لاتشيلين همهم ليه ماحبوك ليه مايجلسون معاك الخ الخ مع الوقت كل شي يصير اهم شي مدام نيتك صافيه وتعاملينهم بالحسنى لاتخافين
وان زوجك يراعيهم اكثر منك ومن بنتك برضو حاجه طبيعيه لانهم عايشين ببيت مره ابوهم .. ووضعهم مو زي وضع بنتك ربي يحفظها لك ويخليك لها وابوها
لازم يراعيهم وياخذ بخاطرهم اكثر
وليش متضايقه انكم ماتجلسون على سفره وحده برضو هذا يبيله وقت
اذا شفتيها بالبيوت حتى الي امهم وابوهم ببيت واحد مو كلهم ولا كل يوم يجلسون على سفره وحده
مدامهم ياكلون ومو قاصرهم شي وانتي ماقصرتي على نفسك وبنتك وزوجك خلاص لايعورك قلبك انهم ماياكلون معاكم ابوهم شوي شوي بيحس وبيخليهم يجلسون معاكم
وانتي ابدئي
ابدئي بالسواليف ابدئي بالاشياء الي شوي شوي تكسبينهم فيها وربي يعينك ويصبر قلبك الموضوع مو سهل بس لاتخلينه اكبر همك مدام زوجك كويس معاك ومابينكم مشاكل حقيقيه لاتدخلين فكره الانهيار بسبب عياله في بالك لانك اذا صدقتيها شوي شوي تبدء تصير صدق
تقبلوك ولا ماتقبلوك ماراح يغيرون شي كبير بحياتك .. اعتبريهم حموله
هل كل الزوجات مرتاحين مع حمايلهم؟؟ طبعا الاغلبيه
عامليهم بالحسنه والباقي على رب العالمين
اعرف زوجات اب الاولاد يفتخرون فيها اكثر من امهاتهم الحقيقيات ويبرون فيهم اكثر من امهاتهم مو عقوق بالام بس من كثر ما زوجه الاب اعطتهم ومجرد انهم يردون لها الجميل
تتوقعين كسبو اولاد ازواجهم بسنه؟ بسنتين اكيد لا الموضوع ياخذ وقت طويل بس باذن الله بتقدرين له
كيف تكسبين زوجك كيف تحببينه بجلستك الخ الخ
ما اعتقد بنقدر نعطيك اقتراحات وانتي رابطه علاقتك مع عياله بعلاقتك معاه
افصلي الاثنين عن بعض
انتي اعطيتي معلومات عن الاولاد ولا قلتي شي عن الزوج وطلبك كان كيف اخليه يحب يجلس معاي اعتقد في معلومات كثيره ناقصه
عموما القسم كله نفس النصائح .. شوفي ايش الي هو يحبه وحبيه او حاولي تهتمين فيه علشان يصير في حديث بينكم
ربي يسخره لك ويجعله لك احسن مما تتمنين
الصفحة الأخيرة
طيب قولي ل زوجك يحط لهم شقه بجنبك وشغالتهم معهم دام فيه بنات مراهقين وابوهم
يطل عليهم كل شوي والشغاله تسوي لهم كل شي اريح لهم ولك
وزوجك ادخلي غرفتكم واجلسو مع بعض وسولفو وسوي القهوه وتزيني بغرفتك لايدرون عنك
لانهم وااضح انهم يغاارون من جلسه ابوهم معك