ياحريم ياللي عيالكن اشقيا لاتاخذوهم للناس تراكم تسببون مشاكل

::09: :09:
بما انني اتكلم من وراء الشاشه ابفضفض وماابي احد يزعل لوكان كلامي قاسي لاني ابقول اللي مااقدر اقوله وجها لوجه مع جارتي وبعض الحريم لانهم اكيد بيزعلون يعني(ابحط حرتي فيكم ههههههههههه:42: )
نصيحه لكل ام اذا كانو عيالك اشقيا من الدرجه الاولى ومن النوع اللي يفتش في بيوت الناس اذا سيرتي على احد لاتاخذيه معك واذا مافيه احد يقعد معه خلاص لاتسيرين لين يعقل وتحملي هذي التربيه والاطفال جهاد لاتقولين يعني احرم نفسي من الناس اقول لك ايه من اجل ماتسببين مشاكل لمن تروحين لهم وتقدرين تسوين جمعه في بيتك اذا اشتقتي لجاراتك لان الطفل في بيته يكون متعود عليه مايقعد يحوس ويكسر :30:
اكيد كلكم مستغربين سبب كلامي واني متحامله بعض الشي واحط عقلي بعقول البزران :hahaha:
انا اقول لكم اللي صار لي اليوم العصر
من يومين وانا احوس واسوي حلا وفطاير وماادري ايش لاني قلت ابعزم جارتي اللي توها ساكنه وانا بعد لي فتره ماعزمت جاراتي
المهم جوالحريم على الساعه 4.30العصر واقلط القهوه والتمر والحلويات ونسولف وماعندنا من الشيطان طاري وفجائه قمت للمطبخ والله ماادري وش ابي المهم واسمع صوت الماء يصب بالحوش واركض والقاواحدمن عيال جارتي طالع على صنبور الخزان وكاسره والماكله يصب ومافيه شي يسكره لانه كسر الصنبور من نصفه واجلس افحط في البيت ياماادور شي يسده وتجي امه وتجلس تحوس معي والما يصب بالحوش :eek: واخيرا جت جارتنا الجديده وجابت كيس نايلون وربطته مؤقت لهم شي ان الما وقف
ولكم ان تتخيلو الموقف راح من الوقت ساعه يمكن مابين محاولات لتسكير الما تركت الضيوف ولدي الصغير جلس يصيح يعني كرهت نفسي مع اني والله مابين وحتى ماخليت امه تضربه لاني ادري انه مسكين صغير لاكن يابنات هذا مواول موقف لعيالها كل مايجوني يسوون مصيبه وكلها تروح في راسي لاجا زوجي جلس يهاوشني ويتهمني باالاهمال
وقبل لاتروح القا ولدها بالمطبخ فاتح الغاز:eek: تخيلو لوصارت مصيبه ثانيه
بصراحه قررت اعتزل الجيران واريح راسي نار الوحده ولاجنت الوناسه اللي بعدها مشكله بيني وبين:arb:
والمشكله انه من القوانين لاعزمت وحده من الجارات لازم اعزم الكل علشان كذا قلت ابعتزلهم جميعا





وش رايكم موشي يطقق