أم نوف2014 :

حبيبتي : الله يجبر بخاطرك ويرزقك ماتتمني يارب..ويرده لك ردا جميلا... اولا عليك بالدعاء فالداعاء مفتاح للفرج ..رددي: (ربي أني مسني الضر وانت ارحم الراحمين )... (لا اله الا انت سبحانك أني كنت من الظالمين )... (ربي اشرح لي صدري ويسر لي امري وأحلل عقدة من لساني يفقهون قولي ).... وكذلك الاستغفار والصلاة على النبي صلى الله عليه وسلم .. ........................ حبيبتي وانا أقراء ردك على البنات انتي تقولي (يمكن الردود ماتداويها )لكن (تخفف عني )صح احنا هنا بالمنتدى لأجل نتشاور ونفضفض ونأخذ ونعطي ..لكن الحل  بعد الله والله المدبر لكل شيء أعطيناك إياه وذكروا البنات التجارب باقي التنفيذ ؟؟!!.. ........... انتي عليك تنفذي لكن عليك انك تقولي ستوب الا متى وإنتي ساكته وبالعه المر والضيم منه وهو ما درى عن هواء دارك<<يمكن قويه لكن هذا الواقع .. أنا ضد انك تراددي عليه او تحاسبيه او تتناقشي معاه لان السالفة راح تكبر وبالاخير انتي اللي بتصييري  غلطانه طبعا كل الرجال فيهم هالصفه لايمكن يخطئون أنفسهم ... .... شوفي حبيبتي تدرين انتي إيش اللي جارحك انه ليش ترسل له وليش مهتم وليش وليش  وليش وليش جالسه تآكلي بنفسك علشان واحد باعك وراح تزوج ....حبيبتي اللي من الاول فكر انه يتزوج ليش تعذبين نفسك علشانه ..خلاص الحمد لله أولادك اكبروا وكل واحد شايل نفسه .. الحين جاء دور صحتك ونفسك وشكلك تهمتمين فيهن مو علشانه علشان السنين اللي راحت ما انتبهي فيهن لصحتك  وان شاء الله مو ضياعه عند ربي الله يرزقك بما فعلتي الجنه ... ......... وعلى قولتك حتى لبن العصفور ما قصرتي جبتيه له معاناة خلاص كفيتك ووفيتي الحين الدور جاي على الثانية تجيب له لبن العصفور ... انتي عليك تعطينه شرع الله فقط لا غير علشان لا تكوني عصيتي زوجك ...اما أشياء ثاني أنا ماراح أحاسب عليه عند رب العالمين لو إيش ماصلحتها له .... ........... وحبيبتي ترى اي إنسان له كرامه وإنتي الا كرامتك لا تخلين احد يدوسها حتى لو كان زوجك ... خلاص احفظي كرامتك وقوي شخصيتك مو بالكلام والصراخ والمشاكل لا ...خليك رسميه معاه أشياء غير شرع ربي مافيه ...أعطي لنفسك وعيالك أولوية مو كل شي هو ...وترى الرجال مايحب الزوجه ضعيفة الشخصية واللي بس متعلقه فيه ...بالعكس يحب الزوجة اللي لها كلمتها وشخصيتها ولما تتكلم تكون كلها ثقه باللي تقوله ...وتقول للخطاء لا والصح صح مو كل شي أبشر وسم ومن عيوني لا الشي الغلط غلط والصح صح ..مو كل كلامه اخليها علي أوامر وانا تقل آله او خدامه بس امشي وأنفذ ...وإنتي لك رأيك ولك حق تتكلمين فيه .... حبيبتي: نصيحة مني ومن تجربة تراي أنا صغيرة بأول الثلاثين لكن الدنيا صفعتني  من كل جهه من صغري وانا متحملة اكبر من عمري ...الشيب لعب فيني لعب والقولون والضغط والمعدة وإعصابي  دائم منفلته مني ... لكن الحمد لله على كل حال فتحت على عمري صح متأخر لكن شي أحسن من لاشي ...والحمد لله الحين جالسه كيف اعدل من وضعي اللي راح راح لكن ما نقول الا الحمد لله على كل حال واللهم بدل حالنا من حالا الى حال أفضل يارب العالمين ... ................. ادري طولت عليكم >>>>>مشاء الله علي ادري انه صح النوم بس مايخالف من القهر اللي فيني .... ولعلى وعسى يارب أكون أفدتك لو جزء بسيط  ...... والله يوفقني ويوفقك يارب ويسعدك ويرزقك ماتتمني ..... .............

حبيبتي : الله يجبر بخاطرك ويرزقك ماتتمني يارب..ويرده لك ردا جميلا... اولا عليك بالدعاء فالداعاء...