ياحسرتي بينت قدامهم ان الزواج ماهمني وانا ميته عليه موت 💔

السلام عليكم اخواتي بعالم حراء انا ماسجلت بعالمكم الا على اتم الثقه انكم حتكنون اكثر من خواتي
انا تطلقت من 6 سنوات وكان من عندي الطلاق وكنت مقتنعه بطلاقي ولو دار بي الزمان من جديد على نفس الرجل لاخترت الطلاق طبعا السبب لانه كان مروج ومدمن كحول ومخدرات بانواعها وربي تفضل علي اني ماحملت منه ولا عندي اطفال اخذت معه 8 اشهر فقط
بعد الطلاق كملت اخر سنه لي بالجامعه وتخرجت الحمدلله الان انا انتظر الوظيفه واللي اهم منها انتظر الزوج
باخذ راحتي وافضفض عليكم بما اننا بعالم افتراضي ماحد عارفني انا بكل صراحه يابنات اتمنى اتزوج اليوم قبل بكره عمري الان على مشارف 32
تقدم لي كثير لكن ارفض المعدد والمطلق اللي معه اطفال والارمل ايضا اللي معه اطفال
انا دايما مستحيل اخلي احد يشفق علي ماجيب طاري العرس ابدا ولا ابين اني متشفقته وبالعكس كل من شافني قال ماشالله انتي مرتاحه نفسيا
اللي يقهرني ان فيه بمعارفنا مطلقين وزوجاتهم تزوحوا وخلفوا وهم لسا ماتزجوا ومناسبين لي ومافكر احد يتقدم لي مع انهم عارفين طلاقي وسببه
انا قليله حظ من يوم ماكنت صغيره باشياء كثيره منها ماعندي سند بالحياه لا اب ولا اخ ولا حتى اعمام وخوال ينشد فيهم الظهر كلن نفسي نفس
ادري الزواج نصيب بس يابنات العمر راح ووودي احس بالامومه حنا يالحريم اخر حد لنا بالانجاب ٤٠ سنه
ادري كل شي نصيب بس هل انا ماسويت الاسباب اللي تخلي الناس تتقدم لي او لاني مطلقه ماحد يبيني
مع اني والله يابنات عشان تكنون بالصوره انيقه وشكلي الحمدلله الكل يمدح فيه وسمعتي واخلاقي واحترامي للكل ماحد يشك فيه
الا كل ماروح مناسبه اشوف بعيون الناس التقدير والاحترام
انا وش الشي اللي اسويه عشان الفت الانتباه انا مرات اقول شكلهم الناس يحسبوني تعقدت من الزواج
اممممانه امممانه من تدخل صفحتي تطيب بخاطري لو بكلمه او شي اسويه او عادي تقول لي اي كلام ايجابي او سلبي راضيه بانتقادكم الله يوسعها علي وعليكم