ياحسرتي على حياتي انا وخواتي الدنيا ذلتنا

صباح الخير ياخواتي بنات حوى تكفون لي طلب اي وحده من كن تدخل تدعيلنا ان الله يفرجلنا و يفكنا من هالعذاب وتكفن خل امهاتكم وجداتكم وابوانكم يدعولنا والي عندها ام وابو تسجد لله شكر على هاالنعمه الي عندها انا يابنات ابوي طلق امي وعذبنا وخلانا شغالات لمرته ولحريم عماني وكلن تاخذنا بيته نظفه وجوعنا كان يشيل الطعام ويخليه بغرفت مرته وحنا نموت جوع مافكر فينا وكان يسافر ويعطي مرته الصرافه وهي تشتري الي تبي وحنا وربي نناضر هم ونقول لمي تشتريلنا والله ماعمري نمت الا دمعتي على خدي افكر بحارتنا واقول مافيه احد امه ماهي عنده الا حنا وابكي قهر ابوي يغيبنا انا واختي من المدرسه ايام المتوسط اذا صار عندها موعد عشان نسوي فطورها قبل تروح المستشفى وابوي كان اذا نامو الناس باليل يطلع من عند مرته ويلبس وزرته ويجلدنا وربي ماكذبت ولا بكلمه و على فكره زوجت ابوي مو من جنسيتنا واخوي تزوج ومرته عسل بس قلبتها مرت ابوي علينا وصارن صديقات وابوي يحب مرت اخوي عشان هي ماتبينا وتبي مرته ى ما اخوي من امي وابوي اذا سافرت مرت ابوي تمشى هي وبناتها وعيالها مايمر خواتي ابد واذا جت مرت ابوي جابو القهوه والحلى لها ويوديها مشاويرها وخواتي تحت رحمت خواتي لبغن مشوار قالن لخواتي عشان يوديهن معهن شوفو الحض والله يابنات ان اختي الكبيره الي ربتنا جتها حاله نفسيه من كثر الظلم الي شافته انا واختي تزوجنا وبقن خواتي يارب ترزقهن ويطلعن من هالحاله وانا زوجي حالته حاله مغازلجي درجه اولى ولا يبيني مايحبني وانا صابره بس عشان اعيالي ما يجربون الي جربته ولا ارجع لبيت ابوي ومرته تصدقون ان ابوي اذا جيت مايبيني بس يقول كلبه ويحرض خواتي من ابوي واخواني يقول لا تشيلون اعيالها ابد ولا تقعدون معهن هاذولي ما يحبونكم كذابات و
*لله يابنات اني اهدي مرت ابوي واعطيها فلوس واذا شرينا شي جبته عندها سوى اكل او اى شي اجيبه سبحان الله ماتشوفنا شي ابد وحنا حتى بيتها سنعناه وقمنا بالعزايم تصدقو وربي تقول لجارتنا نسيت مكان البهارات ماعمري دخلت المطبخ ابد لا والحين بنتها بتزوج وتقول يوه بيدود البيت ما احد مشتغل تخيلو تقول لختي قولي لبوك ما يشتغلن عشان بس يجلدنا وابوي اذا جيت قال هي متهاوشه هي وزوجها هو ومرته وعماني والله يبنات ماقلتلهم عن زوجي شي ابد بس هم ودهم يفرحون علينا تخيلو ابوي قال لزوج اختي اول ماتزوجت لا تجبه ابد اضربها بس الحمدلله زوج اختي اجودي وانا زوجي ما يقصر علي بس مايبيني تخيلو يوم
مكنت حامل باالتاسع وقلت لبوي بولد عندكم واجيب شغاله قال اصلن انا ماابيكن وزوجي قام يهاوش يقول لا تولدين بالبيت عايلتهم طبعهم البنت تولد ببيت اهلها واذ طلعت الا ربعين راحت بيتها
ويسىلون ليه ماتروحين وانا احط اعذار وزوجي ما قلتله عن تعامل ابوي ابد والحين امانه شورن علي وين اولد وين اروح زوج امي مايبينا وزوجت اخوي كذالك وابوي كذلك وين اروح وش اقول عذر لهل زوجي ولخواته وامه وشجعني اني اولد بيت اقصد اذا جيت من المستشفى اقعد ابيتي وش اقول لزوجي عذر تكفن طلبتكن حطن انفسكن مكاني الله لا يحطكم بوضعي امين اسفه على الا طاله ياخواتي