ياحسرتي عليك يااختي ادخلوا وادعوا لها

السلام عليكم كيفكم بنات
انا بدخل في السالفه بدون مقدمات اختي يابنات نفسيتها تعبانه مرررررره والسبب لانها ماتزوجت الي الحين وهي عمرها 25 واحنا كلنا تزوجنا وباقي هي والمصيبه ان الكل يمدحها اخلاق وادب ومحافظه وجذابه لكن سبحان الله ما جاء نصيبها وهي تقدم لها ثلاثه لكن كل واحد عيبه اكبر من الثاني الاول كان مطلق وماعنده عيال بس المشكله احس انه متسرع لانه خطب اختي وزوجته باقي ماطلقها وهم مالهم متزوجين اقل من سنه وكمان امه يوم زارت اهلي بس جالسه تتكلم عن فلوسهم واراضيهم ولاجابت سالفة الخطبه وماكلمت اهلي الا بعد شهرين من جيتها عشان كذا اختي رفضته والثاني تخيلوا كمان مطلق ومسجووووووون يبغى يتزوجها وهو في السجن و يوم كلمتني اخته تقول خليها تضحي وش ذنب اختي تضحي وليش زوجته ماضحت اللي طلبت الطلاق اول من سجن وانا قلت لاخته متى بيطلع اذا بيطول يخطبون اهله واذا طلع كملوا الزواج تخيلوا وش قالت تقول اصلا لسى ماصدر حكمه وهو له اربع سنوات مسجون يعني يمكن يقعد عشر سنين مايدرون عشان كذا رفضته والاخير كانت كل صفاته حلوه كان عمره 25 وموظف ومحافظ على الصلاه ومرح هذا كلام زوجي لانه معاه في العمل لكن عيبه الوحيد انه طلع ماهو قبيلي واهلي رفضوه والحين نفسيتها دمار حتى صارت تقول كلام الله لا يحاسبها عليه تقول الله مايحبني لويحبني كان فرجت علي وانا وش سويت انا طلبت الحلال وماجاني وانا اقول لها استغفري الله والمؤمن مبتلى وان شاء الله تفرج قريب وماتنتهي العطله الا وانتي مخطوبه عشان كذا تكفوووووووون اللي قرات موضوعي لاتطلع الابدعوه لاختي ان الله يفرجها عليها وماتمر هالعطله الاوهي مخطوبه واللي ماتكتب تدعي لها في ظهر الغيب يمكن وحده منكم تستجاب دعوتها ودعاء المسلم لاخيه في ظهر الغيب مستجابه واسفه على الاطاله ........