ياحضرت التجار مدو كل جايع بالزكاه
ياحضرت التجـار مـدو كـل جايـع بالزكـاه
ركن و فريضة والوعيد لـم تجاهـل شانهـا
لوتجمعـون بدفعهـا لوكـان مـره فالحيـاه
أغنت جميع شعوب بقعـاء بأختـلاف أديانهـا
حق الفقير من الغني شكر الغني لمـن عطـاه
الفضـل لله والنعـم تشكـر بحـال لسانـهـا
جل و تعالى لو خفاء فالكون شي(ن) ماخفـاه
خافوا مـن الله والسلـع لاترفعـون أثمانهـا
السوق دبل واحتكر فتـره ودبـل فـي غـلاه
وأنعام ربي مـن جميـع أصنافهـا وألوانهـا
كان الرقابه ماتحسب كل مخطي عـن خطـاه
الله رقيـب النـاس يعلـم سرهـا وأعلانهـا
لاتبخصون بحال من ينقص حصيله عن عشاه
وتشاركون ام اليتامى فـي عشـاء ورعانهـا
وتضيقون العيـش ببـلاد المعوشـه والغنـاه
في ارض(ن) تفوح من الكنوز و لاشبع جيعانها
والكارثـه وامـر وأدهـى نسـأل الله النجـاه
تجـار الأمـه يجمعـون لمصلحـة عدوانهـا
لولا المضارب والرباء والمشي عكس الأتجـاه
كان أفلسـة بعـض البنـوك وقفلـة بيبانهـا
يامن سمعتو وال الأمر و لا أمتثلتو فـي ولاه
حتـى مصاريـف الأغاثـه مهـدت بكفانهـا
الخيل من خيالها والأمـر دبـرة مـن رعـاه
إذا انفلـت سـرج العبيـه طوحـت بعنانهـا
ترى النصيحـه واجبـه وابهـا نلـد الأنتبـاه
حسب العقيدة والشريعـة واجبـا(ن) تبيانهـا
المال يلعن صاحبه لاحـان واجـب ماقضـاه
وش عاد ينفـع فالنفـوس إذا حضـر ديانهـا
ماينفعك يـوم القيامـه لا صيـام ولا صـلاه
لاقمت تكوى بالكنوز إللـي جمعـت أطنانهـا
قيل القناعه كنز والمـوت البشاعـه والدنـاه
وإللي يجمل بيض الأيـدي مدهـا وأحسانهـا
هدوء وسط الزحاااام @hdoaa_ost_alzhaaaam
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
الله المستعان