ياحكومتنا ارجوكم انقذونا من النشالين المنتشرين حول الحرم (المسجد النبوي)شي غيييير طبيعي وانا متأكده ان خادم الحرمين مايرضى باللي حاصل
تخيلو اليوم تم نشل والدتي وخالتي جوالتهم من شنطهم وكل وحده بصف
تم تجريد احد قريبتنا حرمه كبيره بالسن على كرسي طاحوا عليها حجيات وسط الزحمه وجردوها من 3 بناجر قيمة كل وحده 4 الاف ريال
وخدشوها وجرحوها
خالتي قبل رمضان بكم يوم تم سرقة 3 الاف ريال من شنطتها
ويوم راحت للبوابة قالت الله يعوضك حتى انا سرقوني !!!
ياحكومتنا محتاجين حلول لاننا بجد كرهنا نفسنا مومعقوووووول اللي حاصل
محتاجين شرطيات مدربات يعرفون يتعاملون مع هالعصابات والنشالات محتاجين مكتب شرطه داخل الحرم نسسسسسسسسسسسسسائي للابلاغ
محتاجين تفعيل الكميرات اي حرمه على شبهه يتم سحبها الى مركز الشرطه النسائيه
لابد ازاله كل هالعالم اللي جايين الحرم ومتسدحين وجايبين درزن اطفال وفالتينهم على المصلين الحرم للصلاه وماهو للنوم ونزهه للبزران والاكل والشحاده والسرقه
ارجوا من الحكومة تنقذنا من هالعصابات اللي جاية موللصلاة والعباده جاية للعبث بامن البلد
والله يحفظ بلدنا امنه مطمئنه ويرد كيد المجرمين في نحرهم
/سكارليت/ @skarlyt_1
محررة
يلزم عليك تسجيل الدخول أولًا لكتابة تعليق.
اولادي ورده حياتي
•
حبيبتي الله يحفظك وانتي صادقه بالنسبه للي يجون ببزرانهم ويفرشون قهوه وسوالف في الحرم والا الي من برى المملكه جاعلين الحرم فندق لنوم ينامون وياكلون ومع الاسف بعضهن بس تقوم من النوم وتصلي بدون وضوؤ اما من ناحيه النشل رحت لثلاث ايام والله ماشفت احد نشل حتى فيه حريم شناطهن في ايديهن ويروحون ويلون اغراضهن ويلقنها على حطه ايدهم وانا كانت شنطتي سغيره في جنبي تحت عبايتي ومريحه نفسي والشحاذات ما اعطيهن وجه لان بعض السرق يجي من بعضهن فقط
@بنوته@1
•
صـــحيح مستحيل اروح مكه الا وانسرق
فالخطأ من الجوازات المفروض يمسكونهم
لاتقولو مايقدرون يقدرون
فالخطأ من الجوازات المفروض يمسكونهم
لاتقولو مايقدرون يقدرون
U-TURN
•
انا ما ادري ايش فائدة الكاميرات اذا ماكانت تضبط السارق
بس نصيحة اللي بينزل للحرم المفروض مايلبس ذهب وماياخذ جوال غالي واذا بيشيل فلوس خليها من 100 وفيها
والا ترا بتقعد على اعصابك
بس نصيحة اللي بينزل للحرم المفروض مايلبس ذهب وماياخذ جوال غالي واذا بيشيل فلوس خليها من 100 وفيها
والا ترا بتقعد على اعصابك
الصفحة الأخيرة