ياحكيمات حواء ساعدوني في ابني المراهق

السلام عليكم ورحمه الله وبركاته ابغاكم يااخوات تساعدوني في موضوع ابني ابغى الشور من حكيمات حواء ابني في ثالث ثانوي العام في ثاني ماجاب نسبه زينه والسنه هذي دخلته اهليه كله بفلوسي عشان ما ابغى اذا تخرج من الثانوي ماتقبله الجاامعه ابيه مثل باقي اولاد جمعتنا ممتازين وطلعو بعثات برى هو لا الله يصلحه لا مبلاه حتى اقوله وش تبي قسم في الجامعه مايدرى اصلا وش اقسام الجامعه احاول اشجعه احاول اخليه رججال ماش ابوة اغلب وقته دوام واذا جاء نام ولايسمع كلامنا لا انا ولا ابوة وانا في عييب من النوع الي بس ما على لساني الا كلمه ذاكر ذاكر لدرجه احيانا اغلط وهم بالاجازة واقول ذاكر هو مايهتم بدروسه ولا عليه ويطلع كثير انا مادرى هو كثر الطق يفك الحديد او وش فيه مدرى كيف الطريقه الي ارشده للمذاكرة ويخليه يحب الدراسه من كيفه من غير ما اقوله او اضغط عليه تكفون انصحوني هل مثلا لو سفهته ولا قلت ذاكر ممكن يذاكر من كيفه اارجو كلن يدلي بدلوة واعذروني اذا الكلام ملخبط