ياحلاة الأكل السوري بس ^_*

سلااااااام عليكم

مرحباااا

مساء الخير

سفرتنا كانت كلها اطباق سوريه الله يفرج همهم يارب




الطبق الرئيسي :

محشي على الطريقه السوريه

الطبق التاني :
شيش برك : س

الطبق التالت :
بابا غنوج
ـــــــــــــــــــــــــــــــــــــــــــــــــــ
الطبق الاول /

المقادير : انا متوفرة عندي
بطاطس كوسه فلفل رومي طماطم
رز مصري
شبت وبقدونس حزمه
طماطم مفروم ناعم وفلفل رومي مفروم ناعم بالسكين كلهم
لحمه مفرومه
بهارات ملح الليمون ملعقه صغيرة وملح عادي وفلفل وكمون وكاري شوي وكزبرة ناشفه ونعنع ناشف مطحون او مفروك بيدك
8 فصوص ثوم مدقوق
ــــــــــــــــــــــــــــــــــــــــــــــــــــــ
الطريقه:
اغسلي الرز انقعيه بشوية ملح 10 دقايق
صفي الرز اضيفي اللحمه واخلطي اللحمه مع الرز بيدك لين تختلط اضيفي باقي المقادير من خضار وبهارات واخلطيهم كويس بيدك
طبعا بعد ماتحفري الخضار ابدي احشي
الصلصه حقت المحشي فرمت بالخلاط 4 طماطم مع معجون طماطم ومع فصين توم ومكعبين ماجي ومويه شويه نص كوب وفلفل اسود مطحون رصيت الخضار بالقدر تكون الخضار واقفه يعني حشوتها بالوجهه مو طايحه عشان لاتتكسر ويتكب الرز وللاسف عندي بطاطس انهرست مرة واتكب الرز بس طلع طعممم لما اختلط مع الصلصه
سيبي النار تغلي بقوة وبعدين غطي بالغطا بس اقلبي الغطا يعني مسكة الغطا خليها جوت القدر مع الخضار وحطي فوق الغطا قدر معبا مويا يعني نبغى شي ثقيل فوق الغطا وسيبيهم ساعه على نار واطيه
لما خلا انتهى سوا المحشي حطي بصاج على جنب فصين توم مدقوق مع زيت زيتون وشوحيهم عالنار حطي نعناع ناشف مطحون وحركي نزلي المحشي وصبي خلطة التوم والنعنع وهيا حارة طبعا والطعم لايقاوم فعلا اكله سوريه لذيذه


ـــــــــــــــــــــــــــــــــــــــــــــــــــــــــــــــــ

الطبق التاني والي اموت فيه شيش برك طريقة السوريه على فكرة انا مرة احب الاكلات الشاميه بصفه عامه مو بس السوريه فديتكم والله يفرج همكم يارب
العجينه:
انا حطيت كوب ونص على قدنا حق شخصين بس

كوب ونص دقيق عادي حطيه بطاسه
حطي فوقه 5 ملاعق سمنه مذابه
حطي رشة ملح ورشة سكر
ملعقه صغيرة خميرة فوريه
ملعقه صغيرة زيت
ماء دافي للعجن
الطريقه:
حطي الدقيق وباقي المكونات واعجني وابدي حطي المويه شويه شويه لين تتكون لك عجينة طريه وبنفس الوقت متامسكه
الخطوة التانيه :
لحمه مفرومه بالطريقه الي تعجبك
انا سويتها لحمه عالصاج وحركت لين صارت نص سوا وحطيت بصل مفروم بالسكينه وملح وفلفل وكمون لين استوت
صلصة الزبادي :
جهزيها وبالتلاجه
كوب زبادي او اكثر على حسب عددكم
حطي بطاسه كوب زبادي و3 ملاعق طحينه و2 توم مدقوق وفلفل مطحون وملح وحركيهم ودخليهم التلاجه
الصلصه التانيه
2 طماطم بالخلاط مع ثنين توم مكعب ماجي فلفل شويه ومويه شويه حق فنجان شاهي ونص ومعجون طماطم ملعقتين واخلطيهم وحطيهم على جنب
خلطة السمن :
3 ملاعق سمن على الصاج لين يحمى حطي لوز واذا عندك صنوبر وحمصيهم مع السمن

بعد ماخمرت العجينه افرديه وقطعيها دوائر بالكاسه او باي شكل دائري عندك واحشيها لحمه طريقة تقفيلتها زي لما نسوي السمبوسة التقليديه بالبيت الي زي شكل الهلال او زي شكل القطايف بعد ماتقفليها امسكي الطرفين والصقيهم ببعض
زي هيك


حطي بالقدر موية لدرجة الغليان رشي شوية ملح لاتكثري بعد ماتغلي المويه مرة حطي الشيش برك لين يستوي العجين لمدة عشرة دقايق ل12 دقيقه وصفيهم بعد الاستواء رصيهم بطبق التقديم حطي صلصة الطماطم فوقهم وصلصة الزبادي وحطي خلطة السمن بس ملاحظه خلطة السمن لاتسويها الا لكن ترصي الشيش برك بالطبق يعني تكون الخلطه دوبك منزلتها من النار وصبيها دغري فوق الشيش برك مع اللوز والصنوبر اذا عندك زيينيها برشة نعنع مطحون وشبت مفروم






ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الطبق الثالث :
بابا غنوج غني عن التعريف
باذنجان حبه كبيره شويتها على الصاج لين انحرقت مزبوط القشرة وحطيها بقدر على جنب وغطيت عليها عشان تتطرا وتنزل قشرتها بسهوله
قشري الباذنجان كويس من قشرة فتتيه بالسكينه وحطي طماطم مفروم وبصل مفروم بالسكين ناعم وبقدونس ناعم وشبت مفروم ناعم و3ثوم مهروسين ناعم ودبس رمان ملعقه صغيرة واخلطيهم سوا مع الباذنجان وحطي ليمون صغيرة وملحيه وبهريه بفلفل اسود وكمون شي خفيف وحركيه حطي بالطبق وحطي فوقه فلفل رومي مفروم صغير بالسكين وزينيه بالشبت والرمان وزيت الزيتون وزيني اطراف الصحن بشرايح طماطم





هنــــــــــــــــــــــــــي وعآآآآآآآآآآآآفيه ^_^ ان شاءلله اني توفقت فيها واطلب تقييم اخواتنا السوريات لأطباق

اسأل الله تعال ان يتغمد شهداء الإسلام وان يفرج همكم وينصركم الله تعالى عليهم حسبي الله ونعم الوكيل

: 26: