ياحلوات ابي افكاركم الحلوة زيكم--------استناكم بفارغ الصبر

هلا حبيبتي بس حبيت ابارك لك وان شاء الله البنات ما يقصرون والمنتدي كان به مواضيع وحركات بس ما اتذكر غير انك ممكن تشتري ملابس اطفال وترتبيه بشكل منظم فوق السرير او تضعي الملابس في صندوق هدايا وياه كارت او زيدي عليه اي شي في بالك .

اذكر فكره وحده من الاخوات اسمها شفاه
انه تطرشين له مسج وتكتبين فيه " يلا يا بابا تعال البيت انا وماما ننتظرك "
او اي جمله تخطر على بالج وحطي التليفون على الصامت وروحي تعدلي
ولما تخلصين تعدال جهزي احلا لبس عندج واكشخي فيه وبعدها اتصلي عليه
واذا سالج عن المسج قولي له مبروك يا ابو فلان بتصير اب ان شاءالله ..
واطلبي جاتوه وحلويات وسوي احتفال ع الضيق في البيت وانتظريه وشوفي رده فعله ..
ومبروك يالغاليه
ودعواتج لي :)

اممممم....ممكن قبل لا يناااام...بعد مايتغطى ..تتسحب ليعنده وتلمه..وتهمس له بأذنه..>>حبيبي...بتصير ابو....انا حامل.....

وممككن تشتري ملابس بيبي...وتغلفهم...وتهديله اياه..يفتحه ويتفاجأ...

وفي بعض الرياييل يحبون ان هم يكتشفوون ...فلا تقولين له بس مثلي النساة جدامه...وبيني انج مو على بالج كلش الحمل..وقوليله انج تعباااانه حيييل...وخليه يوديج المستشفى...وطبعا قولي للدكتورة اعراض الحمل..
قولي ان راسج يلف ودايما حاسة بغثياااان...والدورة متعلقه مو راضية تنزل..ونفسيتج تعبت...
وبدون كلام راح تكتب لج تحليل حمل...وخليييه هو يجيب النتيجه....راااح يفرح

بالنسبة لي مايحتاج أعلمه لأنه هو يدري على طول ويلقطها عالطاير من شدة الوحم اللي يجيني إذا حملت .. وهو اللي يقول لي انتي حامل قبل مااحلل؟؟؟؟؟؟؟؟؟؟

هذي بعض الافكار قريتها في موقع من قبل:

#لما تسوين اختبار الحمل ويطلع ايجابي غلفيها بالبلاستيك الشفاف وحطيها بعلبة هدايا واهديها لزوجك..

#علبة هدايا وتحطين فيها رضاعة وتكتبين في ورقة بابا انا ارسلت لك الرضاعة مع ماما بس

لا تنسى اذا جيت ان شاء الله رجعها لي

***

#أعملي نفسك متضايقه و حزينه وبعدها قولي له إنه في سر أبى أقوله لك وقولي :

انا أحبك كثير بس للآسف في واحد ثاني دخل حياتي بدون استئذان و بدون ما اشعر

خلاني احبه و انا اسفه لانه اخد شوي من مكانتك عندي سامحني الله يخليك وبعد كذا

قولي له اذا تبغى عنوانه هو موجود معي انت شوف يدي وين هو ساكن داخل, حطي

يدك على بطنك وبعدين راح يفهم المفاجاة

بس اللي تجرب هالطريقه تنتبه من زوجها احسن ما يكون سريع الغضب ولازم تقولين له

بسرعه قبل ما يزعل..واذا كنتي خايفه من ردة فعله لا تجربي هذه الفكرة..

***

#أول ما تعرفين إنك حااامل ، إطلبي من زوجك يوديك السووق ، وادخلي محل لبيع ملابس الاطفال

راح يستغرب ليش انتي داخلة هناك ؟؟ لا تتكلمي بس واصلي وروحي عند الملابس واختاري أي شي

وهنا راح يسألك لمنو تشترين ، قولي له حق البيبي اللي جاي في الطريق خخخخخخ طبعا راح يطير

من الفرح ويمكن راح يشتري لك المحل كله خخخخخخخخخخ

***

#ممكن تأخذين الرضاعه بالكرتونه ومع اغراض للبيبي وتكتبين معها بطاقه وتضعين معها نتيجة التحليل

#جيبي ورده حمراء وحطي معها كرت واكتبي في البدايه كلام حلو لزوجك بعدين اخر شئ اكتبي

اني احب اهدي لك هديه حلوه بس لأسف مااقدر اعطيك الهديه الا بعد تسعه شهور (أنا حامل)

#ممكن تجيبين علبه فارغه ومغلفه ونكتب عباره داخل العلبه(لا يمكن استلام الهدية الا بعد تسعة اشهر )

لاني احملها في بطني....

***

#ممكن تسوين حفله بسيطه ويكون فيها ثلاث شمعات وتكتبي تحت كل شمعه اسمك واسم زوجك

واسم البيبي اذا كنتم مختارين اسمه أو تكتبي ابننا القادم ان شاء الله...أو تسوين

كيكة وتكتبين فيها مبروك الحمل ...

***

اللـه يرزقكم في الاطفال صالحيين يارب ويسعدكم مع ازوجكم

تحياتي لكم

منقول