ياحلوه يا ام الافكار انا محتاجه لك....تفضلي

هلا يا زين
شوفي الصراحه انا حلوه:22: بس ما عندي افكار كثيره انا مثلك الاسبوع الجاي بكمل 6 سنين قولي ما شاء الله المهم شوفي
انصحك بالبيت احسن انا مره سويت حركه ايش
اولا " كتبت على باب الصاله وهو مقفل طبعا من بره لصقت ورقه كتبت فيها يا هلا بنور العين تفضل وممكن تشوف الشمعات ايش جنبها المهم بعد فتح الباب يدخل ويكون البيت مطفي لمباته وتكونين طبعا مولعه شمع اعلمك كيف:
جهزي اوراق لونها احمر وتكون قويه مو خفيفه اوكى وتقصينها على شكل قلوب وتكتبين فيها كلام من عندك وانتي وشطارتك مثلا : ابي مليون بوسه :30: او تعال اطل بعيونك او مشتاقه لك موت المهم كلام من قلبك اوكى المهم اذا خلصيتي خذي الاوراق واحرقيها من الاطراف طبعا عارفه كيف وبعدين تاخذين كل ورقه وجنبها شمعه انا اشتريت الشمعات زي حقت الفواحات الصغيره عرفتيها لكن لونها احمر اوكى وبعدين تاخذينها كلها وتوزعينها على البيت كله مثلا على كل زوايه ورقه وجنبها الشمعه علشان يقدر يقرا الكلام ان شاء الله انك فهمتي طبعا على طاولات بس ما تكون الطاولات كثيره مثلا الصاله اذا وسط مقاسها حطي ثلاثه والمدخل وحده او اثنين ومدخل الغرف وحده وزي كذا وابدي بالكلام يكون بسيط الي عند غرفه النوم يكون الكلام شوي قوي:30: وانتي ادرى وكنت مجهزه تشيز كيك وفيمتو وحاطة عليه ثلج ويفضل مجروش وحافه الكوب حطي عليها شوي مويه واغمريها بالسكر فاهمه يعني تكون حواف الكوب بيضاء من فوق وفوقها فرواله ومزاز وتكوني حاطتها على طاوله بغرفه النوم فراشتها بمفرش دانتيل ابيض وراشه عليها ورد مجفف احمر اهم الشئ الغرفه تكون ريحتها خيال حطي فواحه وبخور وعطور وكل شئ اهم شئ تكون الريحه اللي تعجبه وتكوني حاطة الهدية فوق السرير وطبعا من اختياراك ويفضل تحطي بالونات هليون حمراء وقلوب بالغرفه اهم شئ ما تكون الدنيا (مزحومه) وتكوني كتابه رسالة تقولي فيها مشاعرك اللي من قلبك مع كم بيت شعر:26: واذا تقدري تشتري ورود وحده طبعا وراء اذنك ووحده له المهم الليه حمراء وتكون الغرفه لونها حمراء يعني الاضاءه ولو تقدري تشتري مفرش حلو للسرير ابيض على احمر ومفروش عليه ورد احمر كفايه 2 وتكوني مجهزه كاميرا للذكرى واهم شئ نسيته لبسك لبسك لبسك اشتري لك قميص احمر طبعا استحي اقول كيف :eek: طبعا فاهمه لكن لا تلبسيه من اولها لا البسي قبل بدي احمر او ابيض وعليه قلب احمر وتنوره قصيره جينز المهم شئ جديد احسن وبراحتك والمكياج لا تنسينه وشعرك حرير والورده لا تنسينها:26: واذا خلصتوا تقيطع الكيك والشرب طبعا بيدخل الحمام وتكونين مجهزه له الحمام ومشتريه له طقم حمام يعني منظفات<<<<< مو شرط او مثلا تعبي البانيو وترشي عليه ورد وشموع حمراء واذا دخل تروحي تلبسي القميص وانبسطوا مع بعض والله يهينكم واي خدمه انا جاهزة واذا ما فهمتي برضه انا جاهزه .

وللامانة بعض الشغلات اخذتها من وحده زمان من المنتدى هذا بس نسيت اسمها الله يوفقها يارب .
وما انسى اقولك انه زوجي مو راعي هذه الشغلات بس اعجبته مره وتفاجا وطبعا ما كان داري:eek: لكن بعدها اعطاني جوال هديه:)

حبيبتي حبيت اقولك عقبال1000000000000000000000سنةانشاء الله وانتي مبسوطة وسعيدة مع زوجك يارب
والاخت ام حمودي وهنودي ماقصرت اتحفتنا بالافكار الحلوة
واذا تبين افكار فالمنتدى مترووووووووووووس افكار انتي خذي منها اللي يناسبك لو من كل فكرة خذي حركة او حاجة وحدة مو شرط تنفذين كل فكرة بتفاصيلها اضيفي عليها لمساتك وافكارك الخاصة تكون احلى
والسموحة طولت

أختي يازين الدنيا أعياد الزواج بدعه وليس في الاسلام الا عيدان عيد الفطر وعيد الحج

وهذه فتوى للشيخ بن عثيمين غفر الله له ولوالديه ولجميع المسلمين

هل يجوز لي أن أقدم لزوجتي هدية وذلك في نفس موعد زواجي من كل سنة ؟.

الجواب:

الحمد لله

إذا أراد الزوج أن يقدّم هدية لزوجته ، فإنه يقدمها في أي وقت أو عند وجود مناسبة أو سبب يقتضي ذلك، ولا ينبغي أن يتحرى موعد زواجه من كل سنة ويقدم فيه هدية ، فإن ذلك من اتخاذ هذا اليوم عيداً ، وليس هناك أعياد سنوية للمسلم إلا عيد الفطر وعيد الأضحى ، وقد مرت هذه المناسبة (موعد الزواج) على النبي صَلَّى اللَّهُ عَلَيْهِ وَسَلَّمَ وأصحابه وسلف الأمة وأئمتها ولم ينقل عنهم أنهم كانوا يتحرون إعطاء الهدايا لزوجاتهم في هذا اليوم ، والخير كل الخير في اتباعهم .

وقد سئل الشيخ ابن عثيمين رحمه الله هل يجوز للزوج أن يهدي زوجته هدية في ذكرى يوم زواجهما في كل سنة تجديداً للمودة والمحبة يبنهما ، علماً أن الذكرى ستقتصر فقط على الهدية ولن يقيم الزوجان احتفالاً بهذه المناسبة ؟

فقال :

" الذي أرى سدّ هذا الباب لأنها ستكون هذا العام هدية وفي العام الثاني قد يكون احتفالاً ، ثم إن مجرّد اعتياد هذه المناسبة بهذه الهدية يعتبر عيداً لأن العيد كل ما يتكرر ويعود، والمودة لا ينبغي أن تجدد كل عام بل ينبغي أن تكون متجددة كل وقت كلّما رأت المرأة من زوجها ما يسرها ، وكلما رأى الرجل من زوجته ما يسره فإنها سوف تتجدد المودة والمحبة . أ.هـ

فتاوى العلماء في عشرة النساء ص 162 .

ولأن فتوى الشيخ رحمه الله واضحه

أستميحك عذراً أختي في اغلاق الموضوع.