السلام عليكم ورحمة الله
.
.
.
.
كيفكم ؟ كلكم بخير ان شالله
شرايكم بـ دوغري عالموضوع ؟<<لانه شسمه ذا ودي
على طاري النوم تلاحظون الاسرة هاليومين حايشها خمول
في كثير اشتقنالهم ..
ياكافي لهالدرجه المخدة اغلى منا هههههه
...
اليوم..
مدري ..احس شي نغزني يقول نزلي موضوع ..
يابنت الا نزلي موضوع..
وانا اقول لا ,وهالشي يقول الا الا الا ..
وانا اقول لا
وهو الا الا الا <<هالشي بينجلد كانه وهقني
موضوع؟
اممممممممم
عن الزواج مثلا؟
الزوج ؟؟
الزوجه ؟
السواق؟
الخدامة ..؟؟
جا في بالي شي قبل ذا كله ..
الشي اللي يسبق تكوين بيت الزوجيه من اساسو..
الخطبة ..
كيف الوضع وقتها
لمّا يقولون الفلان خطبوا بنت فلان :
حدث يمر على بنت فلان فيملأها شعور لا يوصف
.. موب كله حبٍ في العرس ولكنه الشي اللي يحسسها بانها ماعادت هذيك البنت وبس .. الحين صارت الانثى المرغوبه المطلوبه واللي العين عليها زي مايقولون ..
وماعادت عالهامش ..
وبتلاقي لها سالفة تتفخ روس صديقاتها بها ..الفلان خطبوني وما اخطبوني
وبتتغامز العيون عليها في كل اجتماع ..
:شوفي شوفي ذي فلانه اللي خطبوها الفلان وووو.........
بس فيه اشياء تعكر صفو بنت فلان ويخليها ماتكمل اساريرها بتقدم مزيون الفلان لها
شوفة الحريم :
عثرة اولى في طريق الفرحه اللي تنتظر قلب البنيه ..
شوفة الحريم اللي اصبحت متلازمة مع جملة ( ماكتب الله ) اصبحت هواية لبعضهن للاسف..
اش وراها دخلة وطلعه وفرجة بلاش
تجيك الام ساحبة معها بنتها ولا اختها ولا اخت زوجها تبي تشوف بنت فلان اللي ذكرت لهم وهل هي على نفس الوصف ولا لا ..
وياليت السالفه واقفه على التحقق ؟! المشكله انها جايه تبي تطلع الاخطاء السبعه ..
بنتهم مستشورة شعرها ـــ حاطة اساس ــ مسوية قايله شايله حاطّة << عليهم دقة قسم ولا مباحث
...
سهام ..احدى معارفي ..
من كثر ماتسمع بهالسوالف حالفة يمين ماتدخل على وحدة جايه تخطب ..
تقول اذا يبيني ,, دايركت شوفه شرعيه ! مافي تفاهم
ومرت الايام ..
وبعدها ..
فعلا هذا اللي صار ..
دقت سهام مرة علي تعلمني خبر خطوبتها ,, اللي على طريقتها .. تقول : سأل عنه ابوي وبعدين حدد يوم الشوفه ..
وعلى فكرة قالت هذا اول واحد يوافق انه يشوف قبل اهله !!
كلهم ينسحبون اذا دروا ان شوفته بتكون هي القرار ..
تخيلوا ينسحب قبل لايشوف البنت !!
,,
المهم جا المملوح
وتبادلوا النظرات على قولتها خخخخخخخخخخ ,, وبعدها من بكرا اتصل على ابوها وحددو موعد للرسميات والحاجات اللي زي كذا ..
وكانت آخر المكالمة شايلة هم تحليل الزواج وطريقته واحراجاته
تناقشنا شوي ..و باركت لها ,, ودعيت لها ..
وانتهت المكالمة ..
..
فقدت البنت فترة ,,توقعتها مشغولة بالتجهيز والحركات ..
وشفت اني ادق اشوف شاخبارها واتتريق عليها شوي
ـــ: هاه كيف التجهيز
ـــ: اي تجهيز ..الموضوع تكنسل ..
ــ!!
ــ دقت ام المملوح قالت لامي تبي تشوفني ,, وعلى ماتزعم انه فشله الناس لما تقول لهم الخبر اتقول ماشفت خطيبة ولدي ...
..جتنا مغربيه وتفحصتني
..ولقت اني ماانفع لولدها 
!!!مدري ليش تخيلتها كنها امل عباس ...وقاعدة تهزأ فولدها اللي مايعرف يتنقى شيٍ على مزاجها
اشوى ان سهام من النوع اللي يتقبل التعليق والقفشات .. وواثقه من نفسها ولا تأثرت بالكسحة وقلبنا السالفه انا وياها تعليق على الولد اللي من اولها بين انه ماله شخصيه ..
اهم شي انه هو اللي اتصل على ابو سهام يعتذر ويقول :امي عيت !!<<او بمعنى هالجملة
...
..
تناقشنا انا وبعض الزميلات قبل فترة عن موضوع الخطبة وذكرت هالسالفه ..
وانصدمت بوحدة تقول لي : ترى يصير ,, واحد من اخواني كذا ,, تلقف واحد من اقاربنا وذكر له بنت اخوه وشافها اخوي لحاله صراحه مدري وين عيونه لحظتها موب صاحي على طول وافق .. مع انها موب ذاك الزود
قلت : سلامات وعسى ما تطلقوا الحين ..
قالت : لا ماشالله معها ولدين بس اقول لك ان بعض الشباب يرتبك ما يناظر زين << ودي اصدقها
..طب هو شا ف فيها شي ازين من اللي انتي تشوفين ..
قال ما يناظر زين ؟؟!!! <<بالله ذا منطق ؟؟!
..
العقول المفروض تصير اكثر نضجا وتمييزا ..
ارقى وأعلى من كذا ..
كيف اخلي امي ولا اختي تنخل بيوت العالم تدور لي على شكل يعجبها هي بس ,, بالله هل هذا شي منطقي اوعادي ..
معقولة الشاب اصبح ما يثق برأيه ..
لازم بمعونة امه ..
سبحان الله
والحين اللي حاصل ان البنت بدال ماتفرح بخاطب يتقدم لها ...صارت تشيل هم راي اخته ولا امه ولا عمته فيها ..
لازم هي تعجب كذا فرد بالعائله ..لانه للاسف القرار مو لصاحب الشان وحده القرار لازم يكون مشترك ويمكن يكون فيه تصويت ...
..
اسمعوا ياالزينين ..
ترى مدري كيف كتبت هالسطور ,,
لكن الاسرة معودتني دايما تتقبلني بخنبقتي وكل حالاتي
و من زمان كان ودي اصير فاضيه ولقيتكم ..
..
النقاش عن الخطبة وشوفة الحريم والنظام المعفن ..الموضوع بين ايديكم ...ولكم
طبعاالموضوع اعجبني ولطشته ابيكم تشاركوني فييه