ياحليلي حليلاه ...تصدقون هيا تجيب لكم وصفة مفيدة؟؟؟

شوفوا حبيباتي انا عودتكم هنا فيذا المنتدى اني اسألكم وانشدكم عن هالخلطة وهالكريم وهالخرط وهال وهال...








هالمرة قلت خليك اصيلة يابنت الناس عيب عليك تستفيدين من الناس ولاتفيدينهم عيب استحي على دمك انتي بنت اصول عيب ...عيب ...عيب...(.....صدى........!!)...(أقول وش أبي أنا أتميلح؟؟؟؟ياثقل دمك بسسسسس :16: )...


احم احم....انا يابنات بكل اختصار شفت خلطة الدلوعة اللي هي (سبع تمرات منقوعة من الليل تخلطينها مع علبة جلسيرين وعصير ليمونتين بعدين تاخذين من هالمخلوط وتعجنينه بسدر وحنا )

انا ماخلطت مع حنا ولكن اكتفين باني اعجنه مع سدر وكركم اكل (يعني تخيلو مو حق جسم ومع ذلك فادني) ...

اسوي هالعجينة وياسلام صرت استخدمها بدل شمبو الاستحمام العادي المعطر ...

يعني ادخل الحمام وابلل جسمي شوي بعدين ابدا افرد هالعجينة على جسمي والطخها من هنا ومن هنا وافرك وافرك لمدة ربع ساعة الى عشرين دقيقة احيانا...

بعدين اتشطف بموية بس

تعاول شوفوا بلا مبالغة اشلون احس ريحتي نظييييييييفة بشكل ماتتصورينه ...

اما بشرتي فالحق يقال ماحس انها تفتحت ولكن احس فيها صارت نضارة وصارت لينة بالحيل تخيلو انا مااستخدمت هالخلطة الا ست مرات لحد الان وفي ايام متفرقة ...

يعني اللي بتداوم عليها بطريقة دلوعة اللي هي يوميا ولمدة نصف ساعة يمكن تفيدها اكثر...

بصراحة بنات انا نويت اصلح من هالخلطة كميات كبيرة واستخدمها كعناية يومية شخصية لأني شفت فايدتها في تليين جسمي وشفت كمان منها شي ثاني

حسيت الخطوط اللي ناتجة عن التمدد (سترتش ماركس) حسيت خفت بشكل ملحوظ في زنودي وافخاذي (طبعا اللي في الكرشة تاتو يعني حالة مستعصية يعني لاتسألوني عنها هههههه)

الله يشفيني من الكرشة ويشيلها مع خطوطها من غير شر وتطلع لاصقة بظهري آآآآآآمين...

وين كنا ...ايه ...في بعد مانطلع من الحمام ...موب ياحبيبة قلبي تقومين تتفوطين وتلبسين وخلاص ...لابد من تزييت جسمك احنا ترانا الحين في الشتاء ولابد ترطبين جسمك باييييييييت شي...ولابتشوفين وشلون بيجف جسمك ويتمشّق وتطير شهبته على سنع..


انا احيانا حسب تساهيل ربي مرة اتدهن بفيتامين جسم من ايفون رهيب وريحته جميلة ....

ومرة اتدهن بلوشن ساينت إيفز اللي فيه كولاجين وارطب جسمي كله ماعدا ست الحسن ادهنها بكريم سيبا ميد حق البيبي وكذلك وجهي ادهنه بفيتامين سي من اورانج

ان حبيتي تستخدمين زيت الزيتون او زيت اللوز ان كان ريحته حلوة بالنسبة لك فزين على زين لأن زيت الزيتون ترا ماله مثيل وانا مجربته سخصيا = شخصيا ولقيته يفتّح شوي ويعمل على ترطيب الجسم وتصدقون انه على المدى البعيد يوّحد اللون ...

انا مجربته ماقول يقال لي بس اني مااتحمل ريحته ذاليومين كني متوحمة فيه (متوحمة من وين يابنت ؟؟؟وجع يوجعك؟؟)...

اتمنى اكون افدتكم وخلوا هالخلطة الحلوة بتاعت الاخت دلوعة هي وصفة عناية لكم في حياتكم اليومية مثل ماانا مقررة ...

لأن السدر يالله من فضلك وش افضل منه للعناية بالبشرة ؟؟؟وصححححححي جدا وطبيعي ويكفي انك تطلعين من الحمام وريحتك اوراق شجر هههههههههههههه....

يعني كأنك شجرة متحركة ....او حديقة من الزهور...باقي بس تحطي وردة على اذنك عشان تطلع ريحتك جميلة وتطلعين هايدي زيي ....

حطي جدايل زي مااحط انا واربطي شرايط والبسي فستان قصير ابو محزم من ورا اللي كنه مريول مدرسة وصندل ابيض وياسلام...

وطيري ياطيارة طيري ياورق وخيطان....بدي ارجع بنت صغيرة على سطح الجيران...

وينساني الزمان على سطح....الجيران.....


اتمنى اكون افدتكم ....