بسم الله الرحمن الرحيم
السلام عليكم ورحمة الله وبركاته
بدأت موضوعي بتحية أهل الجنه
جعلنا الله وأياكم منهم مع رسولنا الكريم صلى الله عليه وسلم وأصحابه الكرام رضوان الله عليهم اجمعين
وزوجاته الطاهرات ...وجميع المسلمين..
اللهم ارزقني الفرح والسعاده والصحه والعافيه وجميع المسلمين..
واحفظ لي اولادي وزوجي وامي الغاليه وجميع أحبتي وجميع المسلمين
اللهم أشفى مرضى المسلمين وأرحم موتاهم واغفر لهم .
اللهم أرزق كل محتاج وفرج هم كل مكروب وادخل السعاده في قلب كل تعيس وحزين
اللهم أني أشكرك وأحمد على العطاء والأبتلاء حمدا كثيرا مباركا ..حتى ترضى وبعد الرضى..
اللهم أني أستغفرك صباحا ومساء..فاغفر لي واجعلني وزوجي من التوابين والصالحين وجميع المسلمين
.وأصلح لي ذريتي وكل المسلمين..
اللهم اجعل اعمالنا خالصه لوجهك الكريم.
اللهم بشرنا بالنصر واعلاء كلمتك وهزيمة اعداءك ..اللهم بشرنا بنصر اهلنا في سوريا ..اللهم امين ..اللهم امين
مســاء أو صبـاح ..الخير والحب ...
بدون هذره كثيره أكتب وأنا نعسانه من الفجر صاحيه ..قلت أنزل موضوعي الأن عشان يطير النوم من عيوني ..
مابي انام وراي شغله ضروريه ..لازم أسهر وأقاوم السرير المغري والبرد الي برى ..>>بنات منو تجي تمسك مكاني وانام لو ثواني >>تكتب وعيونها مقفله هع
حبيباتي ..لأبد لكل منا وقت خاص فيها ..ولــ نفسها ..تستناس وتنبسط وتشتغل على بشرتها وتعتني فيها.
كريمات او مقشرات أو ماسك.. ..تنظيف أو خلطات أو على الأقل حمام دافيء وغسول ريحته تهوس ..
موضوعي اليوم .عن مقشر عملته بالبيت ..
المقشرات تعمل بالبيت أو تشترينها جاهزه ..وكلها بصراحه مامنها خساره.
الخساره تكون بأهمال البشره ..وعدم الاهتمام فيها ..
المقشرات الجاهزه متوفره بكل مكان ..وبمختلف الأسعار ..والروائح والأذواق..والأنواع ..
وعلى فكره فيه نقطه دائما تنذكر وهي كل ماغلى سعر المقشر كل ماأصبح أحسن
مقوله خاطئه مع احترامي ..جربت الغالي والرخيص وكلهم تؤدي لنفس الغرض..
توني مسويه أسترخاء لجسمي ولنفسي بمقشر وحمام بخار ..وكريمات منعشه ..
أنتعااش يجيب النوم >>أبي قهوه سوداء أهي اهي ..
جلست أمخمخ على البديكير وأقص أظافيري ..>>كان فتره الظهر
>>>صبايا بعد ماتنتهون من عدة البديكير غسلوها بديتول أو اي معقم ..وخلوها تجف أو مسحوها بمناديل ..
...الأسترخاء...
أولا حظرت البخار وقفلت حمامي تكرمون ..ونزلت للمطبخ أجهز المقشر الي عملته ..
المقشر العجيب الجميل الفعال المرطب المصفي المورد >>جميع انواع المدح حطوها فيه على ضمانتي
>>لا تشرهون عليها
عباره عن :
_شوفان >>ماأستغني عنه حتى بالأكل أحبه موت ..
_زبادي
_حليب نيدو
_هرده أو طحينه
نسيت أحط عسل >>فيس مقهور
كلها بدون كميه معينه لأني بستخدمها الأسبوع هذا كله وحفظتها بالثلاجه ..
وهنا جهزته مع القفازات لفرك الجسم ..
بسم الله اعوذ بك من الخبث والخبائث..>>دخول الخلاء
حطيت المقشر كله على جسمي من جبهتي الى قدمي ..وتركته شوي وبعدها بديت أفرك بالقفازات ..
وأنتبهو صبايا لأمكان الثنيات وهي ثنية الركبه والذراع والأبط وبين الفخذين والسره وورى الأذن
..
علما توني مسويه ماسك لوجهي ..ومنظفته ..وحطيت على وجهي من المقشر
ومانسيت يدي مهمه لأاني اهملتها ال4 الأيام الي راحو ..>>مع النوم الي فيني فيس يبكي ..
وهنا عدتي من.. مقشر ولوشن للقدم وحجاره غير قاسيه
>>مقشر القدم يوميا مع الشور أستخدمه .وخفيف على الجلد كانه غسول وحبيباته لطيفه ..
>>بنات كأنه يقول أعتقيني ياغروبه لوجه الله >>شاكه فيه كانه بيموت !! ولا النوم الي فيني >>هلوسه هلوسه بسم الله عليكم
صابونه ريحتها تدوخ من جوسي كوتر وضروري يابنات الصابوون او غسول الجسم لان ريحة الهرده قويه وتثبت بالجسم
>>الكريم الي تحت يقولون يقولون يقولون على كلامهم في العلبه >>ودها بتفقيع وجه
انه يزيل السترش مارك ..شريته قبل شهرين او أكثر ..
جربته امممممممم يمكن 10 مرات خلال هالأشهر وطبعا ماشفت نتيجه!!!>> ههههه لاني ماأستخدمته
..بس الصدق يقال انه عليه مدح مووو طبيعي ..وصغير وغالي نوعا ما ..وريحته مانجو وفيه بدون عطور
أذكر مكوناته زيده الشيا وكولاجين لتجديد الخلايا وفيتامين e و c
هذا أسمه Urban Skintrition Stretch Mark Cream
وان شاءلله بعد ماادوام عليه وأشوف نتيجته أطرحها هنا مع فلسفه زايده >>الحين أنتو تقولون ياليل متى تنتهي هذي ماتمل من السوالف >>فيس يضحك ونايم
لوشن للجسم من جوسي كوتر ريحته كيوووت مره
هذا ياصبايا جاي مع كرتون الشمع ..مررره يجنن ..وبدور عليه اجيب حجم كبير لانه صغيرونه أصغر من أصبعي
ومثل ماهو واضح ..يعطي ملمس مخملي حريري ..للجسم..
وأستخدمته مره وحده بعد مانظفت جسمي من الشعر كان واااااااااااااااااااااااااااااااااو >>انقرض حرف الألف من العالم
الخلاااااااااااااااصه وبعد هالشطحات ولا الشحطات ...والسوالف الي تصحصح النعسان >>جالسه تتثأوب
المقشر يابنات مثل ماقلت لكم فظيع ..يرطب ويعطي صفاء ويورد البشره >>كذا طلع معاي
وحمااام الهناء والعافيه للكــــــــــل..
وان شاءالله تجربون الطريقه وتعجبكم ..
يلا يلا جاني الأفراج بروح أنام خخخخخخ مخمخت على الموضوع ساعتين لحد انتهت الشغله >>لغز هع
بنات عندي اعتراف لكم كلم ((((أحبكم >>فيس خجول ويتثأوب))))
وختاما وكالعــاده ..هذا من فضل ربي ..والحمدلله حمدا كثيرا مباركا ..
استغفر الله واتوب اليه ولا اله الا هو ..
وصلى الله على نبينا محمد وعلى أله وصحبه أجمعين ..
والسلام عليكم ورحمته وبركاته ..
عموماَ نعيمن