الله يفرج همومكم وبارك الله فيكم والله اكتب ولا معه في عيني مافي ام تتمنى المشاكل مع أعيالها لكن اعترف والله غلبوني حتى المنطق والعقل والأسلوب ضاقوا مني الله يفرج ع الجميع

الله يعينك

اختي
غيري نظام غذائهم كله
السبب في نظام حياتك والاكل
كثري لهم من خضار وفواكه لاتقولين ماياكلون
اتركيهم بدون اكل اذا جاعوا بياكلون غصب
تجاهليهم تماما الجوع كافر
اعطيهم تين مجفف بدال الحلويات
واذا عندهم ايباد او كمبيوتر او ايبود او اي شي الكتروني احرميهم منه
شيليه نهائيااااا
ورح تشوفين خلال شهر كيف يبداون يهداون ويعقلون
ترى بالبدايه بيكون صعب عليك بس تعلمي التجاهل التام ولا تصرخين
ولا تتكلمي ابدا سوي كل شغلك بهدوء وصمت
ويارب الله يصلحهم

حاولي تقللين طلعات واقري بالنت عن اساسيات التربيه
مو معقول بهالعمر تكسرين عضامه بالعصا كفايه انه مريض
ادبيهم بطريقة الحرمان مثلا حرمان من الايباد .. حطي كرسي للعقاب اللي يخطي يجلس فيه الكبير 7 يجلس فيه 7 دقايق
والبنت 5 دقايق كثر عمرها
واستعيني باالله قبل كل شي
وكرري هالايه بكل وقت
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا "
هم مثل الزرع اتعبي عليهم اللحين واحصدي اروع الثمار مستقبلا بااذن الله
والله يصلحهم لك ويعينك على تربيتهم

مافيه اسلوب لطيف مايجذب الطفل ويحببه باتباع الاوامر لكن بشرط الصبر ولاهو بصبر ايام لا صبر سنين لأن هذي تربيه ومن مسؤلية الاهل وصدقيني العصا تبعدهم اكثر واكثر واكثر عن كل ماهو صحيح وحطو باعتباركم هذا الجيل غير جيلنا ولاينفع نمارس عليه مامورس علينا

التربيه لها اجر عظيم ولا مكان منزلة الام بوضع الجنه تحت اقدامها ,,تروي بتربيتك لهم بالصرااامه في الاوامر وعقابهم في حين خالفوها برفع ايديهم عالجدار او الجلوس بكرسي بغرفه مكافيه اي وسيلة تسليه لمدة نصف ساعه تفكرين انها صعبه لا والله موصعبه اول المرات يصارخون ويضحكون عليك وارجعهم لمكان العقاب بكل هدو وشده وصرامه بدون مااكلمهم وبالي اطول من بالهم حول عشرين مره ارجعهم مع الوقت ايقنو انه اقسى عقاب لانهم يجلسو بس يفكرو وييأسو من الحركه ويصيرون يسمعون الكلمه هذا جانب العقاب

جانب المكافاءه اذا شفتهم مجتمعين مبسوطين يلعبون ولايخربون اجي اصفقلهم بيدي ممتازين الاولاد الشطار مافيه احد مثلكم ومن الكلام اللي يرفع معنوياتهم عند كل فعل صحيح يسوونه ولو كان عااادي جدا وطبيعي احثهم عليه واكافئهم بمكافئات بسيطه جدا


لابد من الصبر عزيزتي وبتشوفينهم يقلدون بعض ولاراح تتعبين كثير في باقي اطفالك


موفقه