صباح الورد والياسمين ياحلى حوائيات
جيت لمكم احكيلكم قصتي الي ماني عارفه افك رموزها وابيكم تساعدوني فديتكم
انا عمري 31 مطلقه ماعندي اطفال وعندي اخت عمرها 34 لم يسبق لها الزواج
بفرد موضوع ثاني عن اختي هذي بتفصيل بس بقولكم مختصرها
انا اهلي مايبوني اتزوج قبلها ؟
وتعرفون المطلقه الي تكون جربت الحياة الزوجيه غير البكر وانتم ادرى ياحوائيات
حالتي مايعلم فيها الا رب العالمين ابي اعف نفسي ولا ابي اسوي الحرام ولا اقربه ابي اتزوج باسرع وقت ماعد اقدر اصبر اكثر من كيذا بتقولون لي ليش؟
انا كبيره وفرص الحمل في هلوقت تقل
انا مطلقه وبتالي فرص الخطاب جدا قليله
مطلقه لي 3 سنوات احتري نصيب اختي وماتزوجت
عندي حنين للامومه بشكل فظيع جدا لدرجة فيني اورام بصدري من تكتل الحليب والام مايعلمها الا رب العالمين
وحاجتي للرجل حاجه ماسه من حيث الاجتياجات الشخصيه او الاجتماعيه
اسباب كثيره
الي حابه اقوله لكم اني قبل تقريبا 7 شهور كلمتني وحده من صديقاتي وقالت ان عندها عم يبي يتزوج وانه ماشالله اخلاق وملتزم ماشالله بس حالته الماديه مو مره راتبه 5 الاف ومتزوج 3 حريم
وعنده عيال من الاولى والثانيه والثالثه ماجاب منها عيال ولاحبها ولاارتاحلها ومخليها عند اهلها يبي يطلقها
طبعا انا اهلي ماشالله بخير ومعروفين وشكله جاي طمعان في هلعائله وقلتلها ترى احنا زمان اثريا لكن الحين عادين عقب الاسهم وطيحتها لنا 8 سنوات وحالتنا مايعلم فيها الا رب العالمين وعندنا ديون
قالت لي هو يقول ابي وحده متعلمه وابي وحده من عائله غنيه وووووووووووووو؟
انا قلت مدري عن اهلي انا صراحه صعبه علي اتزوج واكون رابعه وقامت تمدح فيه عن طيبته وواشيا كثيره دخل مزاجي صراحه بس مابديت شي لها ماقلت ايه ولا لا؟
قلت يتقدم لاهلي وعلميه تراي منب غنيه ولاموظفه وبشرط عليه يحطني بشمال الرياض عند اهلي لان بيته مره بعيد وانا قلت هلكلام ابي اعرف عمها هو شاريني انا ولا بس عشان اهلي كانو اغنيا سابقا ويحزبهم لين الحين؟
والجزء الثاني من الموضوع
دق صديق اخوي يسال عني وقال اختك المطلقه تزوجت قال اخوي لا وهو هرجال متزوج قال ودي اني اخطب وكييذا قال اخوي الخطبه موب بالتلفون تعال عندي بالبيت وحنا اصدقاء مايحتاج رسميات قال طيب
هذا الكلام قبل5 شهور والولد يتهرب اذا واعده اخوي
اخر شي قبل اسبوع قابله بعزيمه وقاله اخوي وينك لاتكون زعلت ولا شي قال لا بس انا منب لم زواج الحين وعندي قرض بيخلص بشوال وباخذ قرض ثاني وبطلع اسافر الحالي اغير جو من هزوجه الي غاثتني وفيها حلال:icon28::icon28:
اناانا الى الان منب مستوعبه الحدث شوال قريب مابقى عليه الاشهرين ورى مايخطب
ولاهو زعل
ولا هو هون
ماعطى اخوي كلمه جابه اخوي من هينا ومن هينا
يقول عندي ديون وبتزوج بعدين؟؟؟؟؟؟؟؟؟؟؟؟؟؟؟؟؟؟
وش قصده ياعالم؟
الحين محتاره انتظر صديق اخوي واخاف يسحب علي ولا هو لم زواج
ولا اروح ادق على صديقتي الي دايم ترسلي تقول متى عمي يجي يخطب وانا اقولها اصبري
اخليه يجي وبس
صديق اخوي ماقال مابي اختك ولا قال ابيها حير اخوي وحيرنا معاه وعيب نقوله شي
انا اقترحت لاخوي قلت قوله فيه ناس تخطبها تبيها انت ولا لا؟
بس عيا اخوي:44::44::44:
يقول هذولي شايفين انفسهم باختهم
ياحوائيات ابي اتزوج اروح ليمن لعم صديقتي الي عمره نسيت اقولكم 45
وصديق اخوي 35عمره
لاحد يقول شي ولايجرحني ولا شي ترى نفسيتي تعبانه والله:(
سارا999 @sara999_1
محررة
ياحوائيات اروح لمين صديق اخوي ولاعم صديقتي اتزوجه انا حايره تكفون اوقفو معي ودلوني ؟؟
109
8K
يلزم عليك تسجيل الدخول أولًا لكتابة تعليق.
الصفحة الأخيرة
الأثنين يخوفون
اللي متزوج 3 ويبيك الرابعه هذا وضعه مره مره صعب لأن كمان راتبه قليل
فالثاني أرحم شوي منه
لكن الثاني ما خطب جاد
كأنه يجس النبض
وممكن أستخدمها وسيله لتهديد زوجته يكلم وهو في البيت ممكن ترخي سمعها وتسمع وش يقول فهو يبيها تخاف ولذلك ما كلم أخوك وجه لوجه
وإذا كنت ملزمه ع الزواج
فلا تصيرين مثل معايد القريتين مالحق عيد ذولا ولا عيد ذولاك
تفرطين بــ عم صاحبتك على رجوى الثاني (والظاهر لي أنه مو ناوي يجي أبد أبد) وتفلسين من الأثنين
بجد بجد أسأل الله العظيم لك زوج أفضل من هالأثنين