ياحوائيات صديقتي تطلب مشورتكم

صديقتي متزوجه من كم سنه عندها طفلين وهي بمنطقة تدرس نفس منطقة اهل زوجها وزوجها بمنطقة يعمل واذا جاء كل شهر يرحون بيت اهله واذا راح ساكنه عند اهلها تقول عشت اربع سنوات على هالوضع وهذه السنه بدت ام زوجها تلمح وتصرح ان البيت صغير وان لازم تتوسعون وتاخذون بيت كلمت زوجها زوجها رافض يستاجر يقول مااجي غير اسبوع بالشهر ماراح استاجر ابغا اجلس مع عيالي واهلي بمكان واحد ولا عندي قدره للايجار تقول غير كذا حسيت ان البنات اخوات زوجها احيان يتذمرون من شقاوة عيالها لانهم اشقياء شوي تقول واحس اني تعبت ودي اخفف على زوجي وبنفس الوقت ماقدر كل يوم اسمع هالكلام واحس انا مضايقينهم وبنفس الوقت زوجها ماكانه يسمع شي يقول عادي انا اللي شاري البيت مع اخواني لهم وانا اللي اقضي للبيت المهم تهاوشت معه وزعلت كم يوم عليه وقالت اذا ماتقدر خلاص خلني عند اهلي اذا جيت قال ابغا عيالي قالت اعطيك اياهم اذا جيت يرحون عندك بس انا ماقدر اسمع كلام زي كذا واصبر ..
مع العلم ان علاقتها شبه رسميه معهم ماتكثر زيارات لهم غير يوم يجي زوجها واحيان نادرا تروح خميس تسلم عليهم وتتقهوى وتجي وبنفس الوقت قايمه مع عمتها ام زوجها بزواجات عيالها ( اخوان زوجها ) تحجز وتستقبل يعنى طيبه معها لدرجه الكل ملاحظ بالزواجات انها هي المشرفه واللي قايمه باغلب الاشياء عكس حرمة اخوه الثاني بنت عمهم ولا كانها تقرب لهل الزواج جالسه وتتقهوى :)
على فكره انا عرضت عليها هي اللي تستاجر دامه مايقدر ورفضت تقول هو جالس يهدد بالزواج من ثانيه مع انها شايله عنه لبس عيالها ولبسها هي اللي تشريه تقول ليش اوفر له طالما تفكيره كذا

انا قلت لها اجلسي على قلوبهم ماعليك منهم طالما زوجك اللي يقضي ويشري قالت انحرج وماحب اثقل على احد ..


قلت بعرض مشكلتك بعالم حواء ونشوف الاراء ايش رايكم بمشكلتها ومن معه حق او كيف تتصرف مع زوجها اذا جاء ..