ياحوائيات هداياكم لحمولتكم زي هدايا اهلكم والا من الرخيص ومشي الحال بس..؟؟

السلام عليكم ورحمه الله وبركاااااااااااته ..
كيف حالكم بنات ؟؟ وش اخباركم مع ذا البرد؟؟
انا ودي احط موضوع من زمان ببالي والسبب مره فيه وحده من صديقاااتي كانت مسافره لماليزيا تمشيه هي وزوجها ولما وصلت دقت علي وعزمتني الاتجين ورحت لها وتوريني صور سفرتها وكل صوره اكياس شايله ولفت نظري وسالتها قالت والله مادخل الااشتري لي شي وشويات لي ولاهلي اغراضهم تجنن ورخيصه وقامت قالت انتي من حظك مابعد رحت لاهلي تعالي شوفي وش شاريه وندخل غرفتها وتوريني شناااط ماركه خيالييييييييييييييييييييييه ملابس روعه عطور تجنن جزم نقطع القلب والبنت ذوق مررررره يعني مشترياتها مره حلوه وذوق,,, الي هي تمدلي كيس قالت عاد اعذريني عالقصور والله موشي واناظر الي هي الله يعافيها جايبه لي شنطه تجنن ويلوزتين وعطر شي واوووو قلت عاد وشوله الكلافه قالت مايسوى المهم لما جلسنا وقعدنا نسولف قالت عاد اني الخميس بروح لاهل زوجي اسلم عليهم الله يعيني على وقفه السوق قلت ليش وش عندك قالت والله ماخذتلهم شي وقالي زوجي خذي لامي وخواتي قلت الرياض احسن وارخص:44: انا انهبلت قلت كم هم؟ قالت ام زوجي وخواته 2 قلت حررررررررررام عليك كان شريتيلهم من هناك قالت والله ماعندي وقت وتكفين وش عاااد شنط للاخوات وطيب لخالتي :44:صراحه تفأجااات يعني وش ذنبه زوجها اللي هو ولدهم مسفرها يمشيها ولابخل عليها بريال وشرالها هي واهلها وصديقاتها حتى ابخل على امه وخواته حررررررام والله الخير خيره وهو اللي شاقي فيه واوزعه عالناس وهو واهله مالهم نصيب ,,, يعني بنات قويه اعتبرها حطو انفسكم مكان هالام والخوات وش ذنبهم يعني يمكن شي مايسوى الموضوع هدايا بس والله فكرو معي شوي تتوقعين زوجك ماراح يجي بخاطره بس الزوج طبعه مايحب يتكلم يشيل بالقلب وبس وحقد الزوج شين والله ويحس لاتقولين والله مادرى ولاجاب خبر هو اصلا مايبي لا يبي بس هو شايف انك ماتبين والزوج عند كرامه لو وش ماراح يبين ان الحركه ماثره فيه ,,,
انا اخوي يدرس برا ومتزوج ويجينا بالعطل عاد جانا بالكريسماس هاذا اللي راح المهم هو اول مايوصل يحط زوجته ووعياله عند اهلهم بعدين يجي وا جاء ثاني يوم جابهم يسلمون المهم اول ماوصل حط زوجته وعياله عند اهلهم وجاء وقال والله الشناط مالقيناها ويبي يومين لثلاثه الين تجي المهم لما جونا ثاني يوم سلمو وجلسو وسالت اخوي عن الشناط قال نفس الكلام من يومين وطالع قالت ايه اول ماتاخذها جبها علطول بيت اهلي بعدين رقعتها قالت تعرف ملابس العيال وسخه والشناط حووسه تفشل قال زين ان شاءالله المهم لما وصلت دقو عليه المطار وراح يستلمها ودق عليها وصارت طالعه لخالتها هي واهلها كلهم قالت بس ودها البيت فيه الشغاله واخوي يقول اخوي تعجيزت والله اوديها وجابها لنا علطول وفتحها عندنا بيعطينا هدايانا قال ابطيت عليكم بها والعيال تقطعت قلوبهم المهم فتح الشنطه تبع الهدايا على قولته انا انهبلت انا وخواتي اكيااااااااااااااس ماركات وكل شي يقول الزود عندي ويفتح ويحط لا هاذا حق فلاته لا ذا حق فلانه لاذحق فلانه واحنا جالسين طيب ذولي خوات المدام طبعا للتوضيح المهم عاخر الشنطه لقى كيستنا وطلعها وش تتخيلون عقب ذا الزين كله انا واخواتي 3 قطع بلايز عاديه جدا عني عطيتها شغالتي وعيالي العاب جدا عاديه ومن ثاني استخدام انكسرت لا واللي قهرني طلع كيسه بربري واطالع الا بدل اولاد تاخذ العقل لعيال اخوها سكتنا ماقلنا شي وتشكرنا منه المهم يوم درت مرته بغت تنهبل وتهاوشت هي وياه المهم لما جتنا مره ثانيه هاوشتنا امي الا تلبسونها وليني مابعد عطيتنها شغالتي ولبستها عشان امي والله والا والله تفشل وهي جايه مستحيه افتشلت لانها داريه ان شفنا كل شي بس والله ماهمني لانا ولاهلي لان شي اذا ماجاء من طيب خاطر مابيه والافضل اني ماجيب على اني اجيب شي مايسوى وسد عذر او احيانا تسكيت لهم بس ...
انا والله عني اخذ لاهل زوجي بالظبط زي اهلي ليه الخير خيره وولدهم مربينه واخرها لي ولاهلي والله اهانه له اعتبرها فانا اذا اخذت هدايا اما اني اخذ للكل او اخلي الكل واخذلهم شي يواجه ويسوى اذاكر اخت زوجي شريتلها مره شنطه من براكنت مسافره وهي باولى ثانوي وتلبسها بالجامعه الحين شفتها كم مره معاها وخالتي قد شريت لها جلابيه من دبي من كم سنه والله كم مره اروح القها لابستها يعني شي يجي من خاطر يطلع لها طعم والله....
المهم بربرت عليكم واجد يعني ودي كل وحده تقول رايها بالموضوع ووضعها بالسفر اذا سافرت كيف تقسيمها للهدايا يعني تبادل معلومات يعني الواحده منا تفيد وتستفيد ؟؟؟؟
واعتذر عالاطاله