ياحوائيات وش رايكم مبلغ 500 ريال لحفل تخرج تمهيدي ؟!! 

صباح الخير

مبروووك للحافزيات وحظ اوووفر للبقيه:44: وحسبي الله على اللي حط شرط العمر وحرم البقيه هالفرحه

المهم
مو ملاحظين ان اسعار حفلات التخرج للروضة والتمهيدي كل مالها تطير فوق فوق ألحين وشوله 500 ريال لحفل تخرج الروضة وآخرتها لبس منتف وعباية تخرج عاديه وفقرات ملخبطه والتركيز كله على كم طفل فقط


هل تدفعون هالمبلغ عادي والا وش رايكم ؟!

حتى طفل الاسبوع صار مبالغ فيه مره والحفلات اللي تصير كله صار منافسه بين الطلاب كل طفل مايبي يصير اقل من اصحابه والمستفيد هالمعلمات والمديره ماغير بلع في الكيك والحلويات :p

صارت اصعب مرحله مرحلة الروضة طلباتهم ماتنتهي ابد واذا كلمتيهم قالوا هالشي اختياري :o سلامااااات اختياري الا صارت الشغله منافسه بين هالصغار مين تكون حفلته افضل ويجيب هدايا احسن


صراحه الاداره مفروض يضبطون الوضع من عندهم مو معناتها كل من دخل عياله الروضة قاعد على بنك وقاعد يصرف

رايكم ياحوائيات ....