بنات حنا نعرف إن الحامل الله يعظم أجورنا تصير حالتها حالة ..
ونصير نشتكي من أشياء كثيرة / وحدة جاها كلف .. وحدة طلعت لها تشققات
وحدة سمرت .. ووحدة جسمها ناااشف ومقشر .. والشعر متساقط وجاف .<< طبعا كل هذا شي طبيعي , لكن اللي موطبيعي إننا نأجل الصنفرات والترطيب والاهتمام لحين الولادة
,, وبصراحة أحس أربعين يوم ماتكفي نرجع جمااالنا 
( علشان كذا ليش مانبدأ من الحين _ خاصة اللي خشت الشهر الخامس بحكم إن التغيير يبدأ من هالشهر _
خلونا نبدأ نهتم بتزييت الشعر
وترطيب الجسم
ونستخدم كريمات وزيوت للتشققات
وخلطات تفتيح طبيعية )
أنا عن نفسي بديت أشتغل في نفسي وشوفوا كيف جدولي اللي سويته /
1_ شعري أدهنه بزيت دابر كل أربع أيام , وأسوي حمام زيت ومسحة كرستال .
2_ للتشققات استخدم زبدة الكاكاو من بالمرز وكمان أستخدم كريم أفالون للحامل .
3_ للمنطقة الحساسة استخدم خلطة طبيعية للتفتيح وإن شاء الله تنفع مكونة من (زيت لوز مر + زيت الخروع + مسك مطحون + جلسوليد سائل +ليمون ) أحطها إن جيت أنام .
4_ للبشرة (زبادي ) << لكن مو دايم . ,, استخدم كريم مغذي للبشرة من جنسون عند النوم . وأول ماأصحى من النوم استخدم غسول كلين آند كلير .
5_ لكامل الجسم استخدم مرطب من نكتار ويعطي ريحة حلوة .
6_ ومرة في الاسبوع اسوي تقشير لكامل الجسم باستخدام ( ملح الحليب + مقشر الجسم بالمشمش )
من جد بنات النتيجة نوعا ما مرضية ,, اللي يشوفني مايقول عني حامل .. وبكذا إن شاء الله مايجي النفاس إلا وجسمي مايحتاج تعب وصنفرة
يالله بنات شدو الهمة وخلونا نحمس بعض وكل وحدة تقول نظامها وطريقة اهتمامها ,, خلونا نفيد ونستفيد .