ياحوامل تعالو ابيكم شوي

يبيني اروح الخالته وهي مالها أسبوع والده احسها مو يمي على الاقل بعد 3 اسابيع من ولادتها ممكن اروحلها بس اسبوع والله احس صعبه عاد ابي رايكم ياحوامل اذا ولدتي لك خلق احد يزورك في اول اسبوع لك بعد الولاده ولالا ؟؟

عادي يا حلوه سوي لك اكل علشان هي نفاس يعني سوي مرقوق ولا اي شي يصلح للنفاس وسوي حلا وقهوه وشاي علشان هي ما تسوي شي وسوي لها قشر قهوه وممكن نوع معجنات وخذي لها هديه وروحي لانه اكيد هو يحب خالته ويمون عليها منها ترضين زوجك ومنها تتجملين قدامها واذا انك محرجه حاولي فيه تاجلونها شوي وقولي له الحين نكلمها ونبارك لها ونتحمد لها بالسلامه ونقول لها نزورك بعدين
ان شاء الله تتفقون

احسه مره عادي اصلا بتكون مجهزه قبل ولادتها وعامله حسابها بكل شي بس انتي شوفوعاداتكم اذا يسمح اولا

بالعكس اختي مررة حلو الوصل و عيادة المريض ايه لانها تعبانه اصلا لكن قولولها ماتتعب نفسها في تصليح شي

سوي انتي قهوه و شاهي و توابعها و لاتنسين الهدية و الحلوى بعد و نصيحة مو ضروري تطولين يعني ساعة اعتقد كفاية

الحمدالله يعني اروح وانا واثقه من نفسي بسوي القهوه والشاهي واجيب حلا واعتقد نص ساعه كافيه ان شاءالله ..