ياخبيرات الصبغات ادخلو ابي مشورتكم الله يجزاكم الجنه

السلام عليكم
الاجازه بدت والله يعين على اللخبطه الليل يصير نهار والنهار ليل

هذا اكثر شي اكرهه
كني بديت اخربط
لاتلوموني جوعانه وتو كنت بقسم الاطباق الساخنه وبغى يغمى علي قامت سعابيلي تقوطر

المهم كن جاني النوم!!!!!!!!
السالفه ومافيها اني ودي اصبغ شعري
طبعا انا مو من مؤيدين الصبغه لاني امل بسرعه منها
وغير كذا ماشاء الله لون شعري اسود وبلمعه وكلهم يقولون حلو سواد شعري
ماصبغت بحياتي غير صبغتين الاولى عند جان كلود وكانت خصل وكانت تجنن
وبعد شهرين صبغت فوقها ساده لاني مثل ماقلت مليت
قبل اسبوعين شفت وحده في الجامعه ماشاء الله لون صبغتها يجنن كانت بني مع عسلي يعني مو فاتحه
وفيها لمعه كثير وطالع شكل البنت يجنن عمري ماعجبتني صبغه على وحده زي هذي
تجرأت وسألتها وين سوت شعرها فيه
قالت في الملتقى عند زينه وانها هي نفسها البنت يعني اول مره تصبغ وشافت الصبغه على وحده وعجبتها
وسالتها وقالت عند الملتقى عند زينه
انا ابي اسالكم مين جربت تصبغ عندهم وكم اسعارهم
انا كنت مرتاحه مع جان كلود لكن للاسف قفلوا وانتقلوا لجده
وغير كذا الصبغات تجيك باهته لكن هذي تلمه واللون متقن يعني تحسيها فنانه بجد
لاتلوموني كله من الخوف مره بنت عمي صبغت شعرها عند وحده واحرقته لها بالاكسجين والله انه قام يدخن ويطيح خصل:(
اقول بربرت واجد بس انتظركم
وياويلكم ان مارديتو علي:angry2:
ماعندكم حجه اجازه