السلام عليكم
كيفكم ياخبيرات
ابغى اسالكم ايش الاشياء الي نشربها قبل مانروح المستشفى يعني قبل الولاده الله يسهلي ويسهلكم يااااااااااارب هادا اولا
ثانيا بعد الولاده ايش نشرب وايش ناكل لان البعض يقولوا انوا قشر الرمان مضر والمره ماادري متى تشربيها ولا تستحمي كتير ولا نعمل مغطس بس شاور سريع والافضل بس الجسم يعني الشعر لا ؟؟؟؟
وباأيش نغتسل بالمره بمويه وملح
والي عندها نظام ياريت تقولي تكسب فيا ثواب ومنها الكل يستفيد
والبعض يقول اعشاب كتير ماتنفع يعني ايش اسوي بالضبط من اول ماأروح المستشفى باذن الله الى الاربعين ياريت بالتفصيل الممل لاني بصراحه حايسه ومني عارفه ايش اجيب او اسوي لاني لحالي والوالده الله يرحمها وراح اولد باذن الرحمن في بيتي وقولت مافي غير بنات العروس يفيدوني
والله يجزاكم خير ومشكوره
ومنها الي مايعرف زيييي يستفيد
ودعواتكم لي ولكل حامل بالولاده السهله وبالذريه الصالحه والمعافاه حسنة الخلقه والخلق ااااااااامين يارب العالمين
ورجائي من ادارة المنتدى بان لاتلغي موضوعي و ودمتم بخير
To0oba @to0oba
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
هذي الاشياء اللي استخدمها في نفاسي و الحمدلله كل شي كويس و الاكل زي كل يوم لكن احاول اكل اشياء مغذيه عشان البيبي و عشان جسمي يرجع من بعد الثقل و التعب ...
كثري الفلفل و الماش في الاكل مثلا مرقه لحم او دجاج وحطي عليها فلفل اسود و ماش ..
و المنتدى مليان عندك نظام العامرية و نظام فيافي البنات يمدحونه سوي بحث و اقريها و اختاري منها اللي يناسبك
مو شرط تتبعيها بحذافيرها خذي منها اللي تعرفينه ...
وبالنسبه للخياطة نصيحة لوجه الله زي ما قالتها لي الدكتوره لا تستخدمي اي شي غير طبي الين يطيب الجرح نهائيا ياخذ تقريبا اسبوعين ..
البنات يمدحو كريم ميبو لكن الدكتوره كتبت لي كيناكومب استخدمه مرتين صباحا و مساء و كريم ريالوكين معقم و مسكن موضعي للخياطه جدا رائع برضو مرتين باليوم .. و مطهر بوفيدين تتشطفي فيه بس ...
وبعد ما تلتئم الخياطه تقدري تستخدمي غسول المر او قشر الرمان لانها تشد اللحم عشان كذا ما نستخدمها وقت الخياطة عشان ما تتفك و كمان فيه ناس تسبب لها التهاب او حساسيه .. و بعد ما تطهري مضبوط راجعي الدكتوره تكتب لك على تحاميل و غسول يناسبك و تشوف اذا عندك التهابات او لأ..
قبل ما اخلص الاربعين باسبوعين رحت للدكتوره و كتبت لي تحاميل البوثيل و غسول ديو سيبت ....
هذي تجربتي قبل سنتين و يارب اكون افدتك ...