ياخبيرات ساعدوني ((كل اللي احتاجه من ميك آب كعــــــــــــروسة بميزانية 1500ريال))؟؟

هلا الغاليه

فالج الطيب...

1-اول شي خذي كريم اساس................ يكون ذوتغطيه جيده ..وانا عن نفسي استخدم ديور..ورقمه 100 للبشره البيضه بس رووعه..

2_بودره بغض النظر عن نوعها.....يعني انا استخدم ديور..ونفس رقم الكريم 100 ....والله جميله تخلي بشرتج مخمليه....

3_بلاشر......انا عن نفسي استخدم شانيل...وخاصه اللون الوردي الي فيه لمعه روعه..... والبني بعد.....

4_الايشدو....والي هو عشقي......اخذ من اي مكان عادي...وخاصه ديور الي تيي على شكل 5 الوان...وممكن تاخذين من فور ايفر الكل يمدحها مع اني ماجربت غير الجلتر...وممكن تاخذين جلتر ابيض يناسب كل شي......وفي الايشدو الكريمي....بعد روعه........

5_الروج...طبعا انا بصراحه ماتهمني الماركات الغاليه للروجات....يعني اخذ اي شي... بس الي استخدمه وايد فرساتشي...وخاصه الوردي الفاتح روعه والبني الكريمي اروع وفي لون نفس الذهبي على البرتقالي.......واكيد القلوسات من ديور رووووعه جربيها وبتدعين لي...

6_ التحديدات..الي اقلام التحديد..انصحج لاتاخذين ماركات خذي الانواع العاديه لانها تكون جيده........واذا حبيتي تاخذين اخذي من فرساتشي........

7_الكحل...بعده الوان....اول شي الابيض الي يكون على شكل قلم...الاسود...وخذيه من ديور روووعه الصراحه.....وخذي الوان ثانيه مثل التركواز او البني ......وعلى فكره اقلام التحديد ممكن تستخدم ككحل.....والنتيجه روعه

8_الماسكرا.....خذيها من ديور....وانا اسمع الكل يمدح لانكوم.....بس استخدامي الشخصي ديور.....

9_قلم الحواجب....اذا كنتي من النوع الي يحف حواجبه.....انصحج بماركه اف سان لوران.... بس على فكره اذا عندج تحديد يكون لونه بني فاتح ممكن تستخدمينه...ومنه توفرين بعض الفلوس........


واسمحيلي عالقصور

الف مبروك كنت بارد عليج ..بس فديتها ام روعه ماقصرت جزاها الله الف خير ...بالتوفيق ياعمري

أسأل الله أن يبارك لك في زواجك ويجمعكم على خير ..
دايم أنشب بحلوق اللي بيتزوجون عشان ياخذوني معهم لا جو يتقضون مكياج..
أفييييييييييييييييييييييييييد وأستفيييييييييييييييييييييييييييد ..

وهذي مالدي :
1- تحتاجين مجموعة للعناية بالبشرة ( منظف + كريم ) لأن الماكياج مايفيد البشرة التعبانة ..
طبعاً حسب نوع بشرتك وإذا إنتي في العشرينات تراك ماتحتاجين غيرهم انتبهي لا يلعبون عليك المحلات ..

2- كريم أساس ..
كانيبو على شكل بيضة رقم 101 سعره الظاهر 100 ريال
هذا إذا بغيتيه خفيف اخلطيه مع كريم وإذا للسهرات بدون خلط ..

3- بودرة وأروع بودرة على الإطلاق إيف سان لوران رقم واحد القديمة اللي علبتها سوداء مستطيلة بحوالي 100 ريال ..

4- خافي عيوب للهالات .. من ميك أب فور ايفر يجي عصار بحوالي 90 ريال .. يوضع بكميات قليلة جداً ..

5- إضاءة رائعة للوجه والجسم من ماك تجي في علبة دائرية بـ 100 ريال تجي بلونين زهر وبرونز وإذا كفت فلوسك إشتري الثنتين ..لأنهم روعة ..

6-علبة الشدو عن نفسي أستخدم علبة فيها ألوان الدنيا عند المحلات الرخيصة ب30 أو 20 ريال
تراه تفي بالغرض استخدميها لحاله أو مع الماء ..

7- عشان يطلع الظل زي حق المشاغل إستخدمي لمعة من فور ايفر إسمه دايموند اللون فضي أو لؤلؤي هذا إذا حطيتيه مع أي ظل لو إن شاء الله أبو ريالين يطلع يجنن بــــ 80 ريال

8- بلشر لا زم تاخذين لونين واحد على برونز واحد على زهر أنا مجربه ايف سان لوران
رائع وشانيل بعد روعة ..

9- الأرواج من ريميل أو ريفلون ماتتعدا أرواجهم 40 ريال و نصيحة لا تكثرين تراك بتملين منهم بسرعة .. الجلوس الثابت جداً من شانيل صحيح غالي بس قيمته فيه ..

10- الكحل السايل محمود سعيد أسود فاحم بـــ 15 ريال
الكحل الجاف لداخل العين من ديانا أوف لندن بـــــــــــــ 15 ريال
وخذي بعد كم كحل ملون من ماركة بورجوا أزرق أخضر إذا تحبين بحوالي 20 ريال ..

11- الماسكرا من ديور ب90 ريال ..

هذا كل اللي عندي يعلم الله ما كتبت لك إلا أشياء جربتها بنفسي وكانت رائعة ومازلت أستخدمها ولا أبي إلا دعاااااااااااااااااااااااك ..

سلام

اول شئ مبروووووك. والله يتمم لك على خير ان شالله.
اول شئ.البيس انصحك فيه سشيدووو.. فور ايفررر.. وبنظري الاول احلى.
كريم الاساس ..جيرلان..فور ايفرر.. ايتود.. وديور اختاري اللي يعجبك وترتاحين له . انا جيرلان اساسي المفضل.
الكونسيلر.. اول شي ريميل اللي اصبع الروج وسعره 20ريال بس رهيب.. وثاني شئ
جيرلان .. او ديور..او ايف سان لوران. اللي زي القلم .. كلها حلوووه .. بس ريميل هذا اللي زي اصبع الروج لازم تاخذينه "عشاني احبه" وسعره حلوو. حطيه قبل الشدو وحوالين العين والله رهييب .
البودره.. كانيبووو بلامنازع.انا استخدمت درجتين 103 و102. وكلهم حلوين بس 102 احلى .. والمرتبه الثانيه جيرلان.. والمرتبه الثالثه ايف سان لوران.
القلم اكحل.. ريفووون.. كلارينس..جفنشي.
الكحل السائل..محمود سعيد..ايف سان لوران.. ماجربت كثثير عشاني مااستخدمهم كثيير..
المسكره.ديور..ايف سان لوران الذهبيه..ماكس فاكتر.
الشدوهاات . بن ناي .. ماك .. فور ايفرر..وبيل فيزاج..
الارواج .ماك .. جيرلان..ديور..ايف سان لوران.

اول شي مبروووووووووووووك....
خافي العيوب علبة فيها خمس الوان من فوريفر ب99ريال.
الأساس اشتريته من جيفنشي اسمه سكين تونيك ب140ريال.....وعطاني معه مثل البودرة مقسومة اربع الوان خيااااااااااااااااال ب80 او 90 بعد من جيفنشي...
الجلوس انصحك بالشفاف..او اللي على وردي فااااااااتح من شانيل مرررررررررررة حلو وب80 ريال....وكمان اشتري واحد من فوريفر ب60 ريال لونه بينك غامق مررة حلو وبيعجبك..وفيه بعد من لانكوم بطعم مررة حلوات..
البلاشر من بورجوا.....فيه المشمي والوردي...اعتقد الواحد ب35 او 45 مو اغلى....
الشدو....تقدرين تآخذين من ميكب اب فوريفر حلووو.....من ماك حلو...من كيرولان حلو..بس نصيحتي خذيلك علبتين من مكياجي الوحدة ب99.........فيها معظم الألوان وانا صراحة استخدم ظل مو ماااركة بس رووووووعة.....
الأرواج...بورجوا...حلو وما يجفف الشفايف...
المحددات من بورجوا بعد...
الكحل الأسود اللي داخل العين عندك خيارين من شانيل ب80 ريال اسود فاااااااااااااحم ويصلح شدو بنفس الوقت.....او من افون...اسوووووووووووود روووووووووعه واعتقد ب15 او 30 ناااسية...بس صراحة يجنن ولا يسيح بسرعة...
الماسكرا...من نيفيا...او بورجوا...ريفلون....كلهم جربتهم وكلهم حلوات...خصوصا حقت ريفلون وب35 ريال..
الأقلام الملونة..اشتريها من بورجوا ب20 ريال الواحد....
الأضاءة تحت الحاجب.....من بودي شوب...ما ادري كم سعرها بس رخيصة وحلوة....او من شانيل كريمية ب180 ريال..
الآيلينر....من لانكوم...آرتلاينر...ب180ريال.....او من فوريفر .......كيك آيلاينر بالفرشاة...هو ب65 وفرشته ب60 ريال..
انشالله يطلعلك اقل من الف وخمسمية وترا كل الماكياج اللي قلته عن تجربه...ادعيلي يا قمر...