ياخبيرات وربات البيوت الذويقات اعطوني استشاراتكم

للرفع لعيوووووونك

ان شاءالله البنات مابيقصرو

شوفي حبيبتي الاجواء بارده أنا زيك يوم تزوجت في البرد وجوني اهل زوجي جبت الكابتشينو حقت الاكواب وحطيت في الخلاط على عددهم وحطيت عليه مويه من الكافتيره فايره وحطيت السكر وضربته في الخلاط وصبيته في أكواب الصيني وحطيتها على صينيه مفروش عليها منديل احمر كبير والله عجبتهم الحركه مره وحطيت في سكرية الصيني نفسه سكر قوالب مغلف ومعاها ملقاط صغير وملعقه للي يبغى يزيد السكر
بس انتبهي فكفكيها وحطي عليها السكر وفوي المويه على نار هاديه وجهزي الاكواب والصينية قبل مايجون بس لاتحطين المويه على الكابتشينو وتخلطينها الا خلاص وقت التقديم عشان ما تروح الرغوة ويسير شكلها مو حلو

حبيبتي انا من فترة كنت مثلك محتاسة دايمة بالضيافة

المهم دايما ضيافة صحباتي غير ضيافة العيلة يعني يكون فيها دلع اكثر ههههه

اول شي تفرق بالنسبة لي لو مسوية عشا ولا لأ

اذا من دون عشا

اقدم القهوة اول شي مع حلويات خفيفة احطها في صحون حلوة مثل ام اند امز ومالتيزر وممكن ميني معمول ومارش ميلو

بعدين احب اجيب صينة احط فيها عصيرات مشكلة بعلبها وصينية تانية فيها كاسات كل وحدة تاخد نوع عصير تفضلو وكاسة والعصيرات ممكن تحطي بيرة ومشروبات غازية باكثر من نوع وعصيرات طبيعية

واقدم مع العصير صحون عميقة وكبيرة واحد احط فيه فشار والثاني شيبس واللي بعدو مكسرات يابانية اذا تعرفيها

وبعد شوي اجيب صحن حلو كبير احط فيه انواع شوكلاتة مثل تويكس باونتي جلاكسي ووو الخ وومكن اقدم معها موية

وبس اما اذا فيه عشا اول شي اقدم عصير بعدها العشا عطول ويكون كلو على طاولة السفرة وبعدها اجيب القهوة مع حلا وشكولاتات مشكلة وبس

بالتوفييييق

بعدين جيبي القهوه وجزء بسيط من الحلا والباقي تكونين محضره طاولة السفره وحاطه عليها اغراض الشاهي والباقي من القهوه بس ملاحظة حطي الاشياء في صواني كبيره او صحون تقديم كبيره لاتجزئينها في صحون ماتبان وحطي في بداية الطاوله صحون التقديم فوق بعض وعلى جنب الملاعق في قارورة او زهريه حلوه ومناديل ملونه يسير كل وحدة تاخذ ملعقة وصحن ومنديل وتحط لنفسها وفي ملاقط للي تبغى تحط حلوه وحطي الشاهي بالاكواب على جنب وجنبه السكرية وكل وحدة تمر تصبينلها
اذا حضرتي الصحون والملاعق والاكوب والمناديل من بدري صدقيني ترتاحين وهم عندك وتقدرين تولعين شموع الفواحات وتحطينها بين صحون الاكل في طاسات قزاز صغيرة اوصحون فناجيل القهوة التركية وعليها افرشي مناديل حمرا