ياخسااااارة ..خسرت نفسي ؟؟

نعم ...هذا اللي حصل .........
تزوجت ..فخسرت ...ضاعت مني أحلامي ..حبي للحياة ..مرحي وإسعادي لمن حولي
ضاع مني التقرب لله ..وحبي لقضاءه ..ورضاي عما قدره علي من إبتلاء
كل شي ..بكاء الأسحار ...دعائي الذي كان لا يرده سبحانه بمنه وفضله ..
الضحكة الحلوة برغم من المرارة والألم
العلاقات المتميزة مع الناس ..
دائما كلمتهم (إنت إنسانة نادرة / يابختك بثقتك بنفسك /إنت رائعة
أنا ماأمدح نفسي ...بس أبغى أفضض قبل مايصير فيني شي ..أبغى أتكلم براحتي
كنت أستمتع بالأشياء التافهة بحياتي وعيوني على السماء ..عندي يقين غريب إن السعادة جاية بقوة ..والواقع راح يصير أحلى من الأحلام ..
بس ياخسارة ....لا ...الحمد لله على كل حااال
جاني العريس ..فيه كل المواصفات اللي تتمناها أغلب البنات يكفي إنه يخاف الله ومايظلم لو بكلمه ...
وويكفي سبب لتعاستي إنه( مايبغاني) بكل ماتعني الكلمة من معنى ...
مايقدر يكيف نفسه مع أوجاعي اللي ماتنتهي ..وكل مالها تزيد
مايبغى عروسه كذا ..حاول يطفشني بس أنا كنت غبية ..أو حسنة النية ما أدري ؟؟
كل شهر العسل كان إهانات ..لي ..لفساتيني المميزة ..حتى قمصان النوم الغالية ما سلمت ...مافي هدايا ..كلمة حلوة ...هو بغرفة وأنا بغرفة ..
وبرضة مافهمت ...
مرت سنة قلت يمكن ..والرجال يتمناني أخرج من بيته اليوم قبل بكره ..
يكره يشتري لي شي غالي ...يقول لي كلمة ولو مجاملة ..يشوف الطبخ المحترم مني زي الساندوتش ..مافي فرق ..كره باين في العيون وإن لم تتحدث عنه الشفاه
مريت بكربة مايعلم فيها إلا الله ...تدرون إيش قالي :أنا لي على هذا الحال قد إيه
خلاص تعبت ...تعب ؟؟؟ليش رضي ؟؟؟ليش جاء وخطب وهو يعرف عني كل شي
تدرون ليه ؟؟ لأنه مايقدر يتخذ قرار في حياته ...وأنا إيش ذنبي ؟؟
صرت كئيبة من كآبته ...ومهمومه لو أضحك تتعجب الناس مني
بعد جنة الرضا اللي كنت عايشه فيها ..صرت ساخطة على أقداري أبغى أسير زي المواصفات اللي يبغاه ...مع إنه مستحيييييييل
صرت زي المجنونة أضرب شمال ويمين علشان يرضى عني ..
واليوم بعد ما صليت قيام الليل ...حسيت إن راحتي إني أتركه
لو خسرت نفسي والله الدنيا كلها ماراح تفيدني ..
بس خايفة من الطلالالالالاق مع إني أحلم بذاك اليوم
وخايفةمن صدمت أحبابي ...وشماتت الناس ..ووو...
أرجو إن ماأحد يتأثر بكلامي أنا حاله خاصة جدا