ياخساره فلوسي يالوريال

السلام عليكم والشهر مبارك عليكم
انا لما اجرب شي غير مفيد ومنتج ماشفت منه فائده احب اكتب عشان خواتي ماياخذون المقلب الي انا اكلته وخسرت فلوس على الفاضي انا بختصار شديد جربت البيبي كريم من لوريال قيمته خمسه وسبعين ريال تقريبا مكتوب عليه تصحيح بقع وترطيب وازاله علامات تقدم السن وحطت على وجهي طالع غامق مرره مع انو اخذت افتح شي وانا بشرتي فاتحه متوسطه مو بيضاء مرره غير كذا ثقيل كنك حاطه طبقه فازلين يكتم وريحته لوووعه ولونه كنه مغبرر كني حاطه طين على وجهي قلت مو مشكله خل احط على يديني مرطب ع الاقل استفيد والله على يطلع زي الجلد الميت الي يطلع بعد الحمام المغربي لمانتفرك اتمنا فهمتو شرحي صح البشرات تختلف بس مافي بشره تحب تبين شاحبه ومغبره ابد
وجربت بيبي كريم قارنيه ارحم من لوريال قوامه ولونه وصرت احط منه واطلع كني مسويه تان لان حتى الفاتح غامق علي واستانست عليه انه تغيير وكذا بس سمرررني مررره حتى وانا تاركته ماازلت سمراء مع انو انا كنت افتح وحده في خواتي ويعطوني الارواج والبلايز الي ماتليق لبشرتهم صرت اغمق وحده فيهم وصرت ادور مواضيع تفتح الوجه ظ وانا ماعمري فكرت اقرا عن تبييض الوجه يوم من الايام
ادعولي ربي يبيض وجهي بالدنيا ولاخره ولاتشترون اشياء غاليه بدون فائده