ياخوات خايفه على بنتي يارب تشفيها وتطمن قلبي

بنتي يوم السبت ماكله اسكريم والاحد الصباح جتها حراره عطيتها خافض ونمت ويوم صحينا الا البنت نار واوديها المستشفى قال حرارتها 40 وعطانا تحاميل روفيناك 25 وكتب لها مضاد ودواء بروف خافض الحراره ورحت البيت وعطيتها المضاد مابغته كل ماغصبته عليه تكبه وتبي تطرش واحاول وترفض والحراره مولعه عليها واحط لها بهالتحاميل لكن خايفه من اثارها يوم قريت الوصفه طاح قلبي بسم الله على بنيتي يارب رحمتك ووديتها للدكتور وعطاها ابرة مضاد لكن الحراره تنزل وترجع مره احط لها كمادات ومره اروشها عنيده الله يشفيها ماتبي علاج ولاتبي شي والله ضاق صدري عليها واليوم غصبتها على المضاد حطيت معه نستله علشان تتقبله وطقاق انا واياها وبعد ساعه من شربها له الحين تستفرغ والله ضاقت بي دنياي يارب انك تشفي بنتي وتطمن قلبي عليها والله اني خايفه واوسوس بسم الله عليها مدري وش اسوي ومايصلح ادهنها بزيت وهي عندها حراره وخايفه يستمر هالاستفراغ وبخصوص التحاميل وش رايكم اذا ارتفعت الحراره احط لها والا شسوي عمرها خمس سنين استودعتها الله يارب رحمتك يارب :(