على هذا الرابط
ملف سفرات وعزايم وبوفيهات أطباق عالم حواء ابداع × ابداع
مسا الخير عليكم ياعسولات ........ كيفكم مع هالبرد يابطلات ....... كثروا من الزنجبيل مع الحليبات ههههههه
<<ناصر الفراعنة يطبخ
بيوم من الأيام كنا قاعدين أنا وزوجي بجلسة مصارحة ....... ياشين هالجلسات غالبا ماتنتهي بهواش ومطاقق:icon33:
ماتسوى علينا هالصراحة هههههههه
قالي ماتلاحظين يامخاوية أن خواتي من زمان ماطبوا بيتنا
أنا : ماتلاحظ يازوج مخاوية أنهم كانوا عندنا من ثلاث أسابيع وهقتني بجيتهم
زوجي: طيب ماتلاحظين أني أوجب أهلك ...... أكثر موأنتي توجبين أهلي
أنا ماتلاحظ <<ياليل الملاحظات طالت وهي قصيرة ..... هات الزبدة من الموضوع
زوجي : زبدة لورباك ولانادك هع هع << أنا:عاد كلش مو وقت المزح شامة ريحة مؤامرة ومتعقدة
زوجي : يابنت الحلال بنسوي عزيمة لخواتي ,انتي ماشاء الله عليك قدهاوقدود ...... ,اكسبي أجر بهالأيام الفضيلة
عاد يابنات بماأني مطيعة بزيادة ........ وماتعودت أناقش زوجي بأمور أهله خخخخ <<مناك بس
قعدنا نتناقش بالموضوع أكثر من ساعتين على ماأبي وغصبن عليك
وترى النقاش كان مرة هادي يادوب نهمس بأذون بعض ........ أبد ماوصل الصوت للجيران خخخخخخخخ
المهم طولت عليكن ....... الحمدلله تمت العزيمة وصراحة خوات زوجي حليلات بس..... لو شسمه
يمدحن شوي ....... ويخلن القال والقيل
المهم بعد هالهذرة الطويلة ...... نخش عالعزيمة طبعا خوات زوجي ثلاث وبناتهم سبعو ...... وبزرانهم 6 وعائلتنا خمسة ....... وشغالات أربعة << ياربي أمم توني أنتبه ههههه
بالعافية على الجميع
بداية القهوى ماصورتها لان الحلا كان جاهز ....... مايحتاج نصور بقلاوة ومعمول من عند سعد الدين <<أكيد تعرفونه
منظر عام للسفرة رايح مسبقا
عزومة عشا
منظر عام للسفرة هالمرة جاي
منظر عام للسفرة هالمرة جوي خخخخخخخ <<ماصارت عام
ملفوف رائع جدا خاصة أنه حامض
رز مع شعيرية بالسمن البلدي واللوز المحمص
فريكة خوات زوجي طلبوها مني ....... تعجبهم بقوة
هذي سلمكم الله كبة ...... ومع كل حبة تزيد المحبة <<يمديكم شاعرة
وهذي سمبوسة محشي لحم ....... وسبرينغ روول محشي خضار ودجاج
يتبع ياحلوين لاتردون ......... ترى أعلم خوات زوجي عليكم <<ياذا النشبة ههههههه
عزومة عشا
وباقي الأطباق عبارة عن ........ بامية
ودجاج بالفرن مع الخضار ....... وتبولة ....... وقرصان للشيبان ههههههه
وحلا العشا كان عبارة عن حلا النسكافيه ........ مع جيلي بالمكسرات <<أختراع جديد
ومن جد يابنات الله لايوريكم ذليت زوجي بهالعزيمة ....... وشكله حرّم يقولي هههههه
كل شوي ناشبه بحلقه مو عزمت خواتك خخخخخخخ
بس من جد بعيد عن المزح تراي أحب خواته وأحترمهم ........ ياحبي لهم ولكم7