ياخوات كيف أتخلص من رضاعة ولدي ساعدوني الله يجزاكم الجنه

شوفي حبيبتي عندي حل ممتاز اختي تستخدمه لطفالها اذا بغت تفطمهم عن الرضاعه هو انك تجيبي لعبه علا شكل حشره او تجيبي شعر وتحطيه وسط الرضاعه وكل ماطلبها قولي انها فيها صرصور وخليه يشوفها من بعيد وبكذا بيتركها ان شاء الله واذا مانفع معك رديلي اقولك علا حاجه ثانيه

اول شي خليك صارمة معاه مو قسوة لا صارمه في رايك بنتي لما سيبتها كانت بعمر ولدك الله يحفضه قلتلها خلاص ماما انت كبيرة دحين مافي ننا طبعا لي فترة قبلها قاطعه الرضعه في النهار بس في الليل ويوم قلتلها بنعلق ننتك في الشجرة عشان العصفورة حرام ماعندها ننا وانت كبرتي وماتحتاجيها وبالفعل علقناها ومن يومها ماتشربها وطبعا سالت عنها ثاني يوم فين الرضعه قلتلها جات العصفورة واخذتها وقالتلك شكرا وهذي هدية منها في الصندوق حقك وراحت شافت الشجرة وقيدني مكلمه ابوها يشيلها ويرميها وتوته توته خلصت الحدوته
ولعلمك بنتي ماكانت تاكل ولا شي مع العلم انها كانت قبل ماتسنن ماشاء الله تاكل كل شي

انا كنت احط داخل الرضاعه حبات القرنفل اللى هو مسمار كم حبه

واحط على المصاصه شوى مويه وارش عليه فلفل اسود وملح

ومن بعده تركت بنتى الرضاعه كل ماتمسكه اقول شوف دودو وتتركه واخلى الرضاعه على الطاوله 24 ساعه

بعدين هي بنفسها رمتها في الزباله

والله يعنى ابغى الحين اعلمها الحمام