ياخي قاهرني

طلعت امس مع زوجي وقعد طول الطريق يتكلم عن الحريم المسرفات واللي مايمسكون راتب ازواجهم وبس يطلبون وكذا وخليته لما خلص قلت اذا تقصدني وانا قاعده اضحك بتريقه يعني ترا انا احب الفلوس واحب اشتري بس مو بالاشياء المبالغ فيها يعني اخذ بالشهور مانزل للسوق بس اذا احتجت شي اشتري كل اللي بالسوق المهم غيرنا الموضوع بعدين
وبالليل قعد يتكلم عن صاحبه انه يضحك على بنات السعوديه والبنات اللي بالخارج مهورهم رررخيصه ويقول عن السعوديات ام ركب سوود ورد عليه زوجي استحي على وجهك تسب امك وخواتك انت


واليوم قعد يقوولي لو الاجانب طلعو من السعوديه ماراح يعرفون شي السعوديين حتى المكياج اللي يسوونه لكم الاجنبيات قلت اقوول اكثر اللي يشتغلون بالمشاغل الحين سعوديات واكثر الطباخات سعوديات واكثر اللي بالاسر المنتجه سعوديات يعني امس تسب صاحبك تقول يتريق على ركب السعوديات واليوم تسوي زيه تقول مايعرفون يسوون شي ززززززززززعل وطنقرررر وقالي انتي ماتفهميني مخك وتفكيرك مو زي تفكيري 😳😳😳😳يقول انا اقصد الفلوس اللي ياخذونها الاجانب انقهررررت منه جد بس طنشته وخليته منطق بغرفته لحاله وجالسه مشغله محمد عبده هههههه