ياخي لي بيته من زجاج مايرمي الناس بالحجار

السلام
والله ادري امس انه اخو زوجي طرد ولده من حرمته الاولى
هو متزوج مرتين
الاولى طلقها والثانية تزوجها تكون بنت خالته وجاب منها ٧
انا علاقتي كويسة مع الاولى اساسا هي مو سعودية اجنبية من مواليد السعودية وعايشة هي واهلها طول عمرهم هنا ودوم اتواصل اسأل عن صحتها وبنت عمها صديقتي كثير كل يوم نسولف
هي السالفة انه اتصل على الولد وقومه من النوم قاله يروح يشوف اخته تبغى ايش ويجيب طلباتها
بس الولد رفض رجع نام قال مالي دخل فيها اخوها يروح هو
الاب قاله اخوك طالع
قاله بس يرجع يشوف اخته
قاله ذي اختك بعد روح شوفها قاله لا اختي ولا اعرفها وقعد يخبص بالكلام ابوه ترك شغله وجا للبيت عند جدته تهاوشو وانتهت انه مسك الولد دبجه دبج كفوف الين عض الارض وراح الولد هج من البيت وابوه لحقه بسبارته
ماقال اراضي ولدي لا نازل يكمل عليه بالشارع زوجي خذه عندنا البيت انا توني راجعة امس والولد يدق على ٩٩٩ وزوجي يقوله حمار انتتشتكي على ابوك وين تودينا احنا خلاص عندي انا احل المشكلة كلها جاو لبيتنا
الاب مدرعم يقوله اانت ماتتدخل هذا ولدي ولازم اربيه هو مايتربى ومافي يروح عند امه يرجع يلا ياكلب شيل نفسك وارجع البيت وتأدب
الولد رفض وصوتهم عندي وابوه قاله
لا بترجع وبالنعال على راسك بعد
وراحو بعدين
انا والله لا اراديا دعيت على الاب وزوجي سكتني يقولي قض لسانك عيب ياحرمة وقعد يرقع السالفة
بعد ماخلص ترقيع مانفع قعد يضحك و قالي سود الله وجهه مخلي وجه الولد خرايط والله صادق لو اشتكى ابوه
انا تركت كل شي وجيت لسالفتي
هي اني اعامل ولد زوجي احسن معاملة واطيب معاملة
ولما غلطت بمرة هذا هددني وحرمته تهددني وتتكلم علي بين الناس فضحتني اني زوجة اب ظالمة والله لفت البيوت علي بيت بيت وتروي عني وتاكل بلحمي الظالمة شوهت سمعتي
طيب ماتشوفون نفسكم اول وانتي متسلطة على ولد زوجك بعد ليه ماتشوفون عيوبكم ليه ياللي ماتخافون الله
لي بتقعد تكذبني او تحور الموضوع وتقط كلام تنقلع برا