السلام عليكم ورحمة الله وبركاته
احلى التحايا اسدحها لكم باللهجه الجنوبيه ...:heart:
ياهلا بكم ومرحبا بكم انفدا من جى وشرفنا بجيته
تفضلوا تفضلوا نحى السعه والخير نحمدالله كثير ارحبوا..
انفدا قلوبكم ياحي الله من جانا ..
حلفت تجلسين هنا بالله مايجلس الا انت ..
كيفكن وكيف سفانكن عساهم بخير ان شاء الله
يارب لك الحمد كلنا بخير وعافيه ننشد عنك وعن سفاانك يخته..
وش رايكم اعرف جنوبي والا ماش يابنات الجنوب <<<<تحس انها سوت انجاز ..
~~~~~~~
مدخل~~
ياليل خبرني عن امر((الدغابيس))
هي من دقيق البر ولا استرالي
لجعت وعروق الضماير ميابيس
اموت واحيا لحظروها قبالي
تشد معها كل قلب واحاسيس
والمر يصبح ياصبح الوجهه حالي
لاخذت لي منها لقام مدابيس
في مجلسي كني وحيدا لحالي
((الله يلوم اللي يلومك))
:p
~~~~~~
**الدغابيس**
للي مايعرف اكله شعبيه يشتهر بها اهل الجنوب من السعوديه ..
صورة اخرى بعد التقديم ....
معليش ماقدرت ارتب واعدل الاطباق لان ابو :arb:كان مستعجل وطاير عنده داوم بالظهر ...:time:
الطريقه..
دجاج مقطع اربع قطع او حسب الكميه المرغوبه ..
قدر به ماء حسب كميه الدجاج والعجينه ..
بعدا مايغلي الماء نحط الدجاج ونشيل الريم منه وبعدما ينظف نبدا نحط
الهيل واعواد القرفه والبهارات المشكله والفلفل البارد الاخضر الرومي وفلفل حار حسب الرغبه وطماطم ومعجون طماطم
وطبعا الملح .. وحسب الرغبه عدس اسود او ماش
نغطي القدر على ماتصير الدجاج شبهه مستويه او نص استواء نعجن كاستين او 3 بر ابيض ((دبي)) اوحسب عدد الاشخاص او اللي تشوفون انها تكفيكم ..
نعجنها بماء دافي وملح فقط ..نخليها شوي على الجنب على بال ماتصير الدجاج نص استواء ونبدا نفرد العجين في صحن مرشوش على خفيفه ماء ويدك تكون فيها ماء مع كل فرد للعجين ..عشان ماتلصق معاك ..
وكل ماتفردين وحده تفتحين القدر وتحطينها وتسكرين القدر وهكذا الى النهايه ..تتركينها على نار متوسطه لحين النضج وتقدمينها بالطريقه اللي قدمتها فيها ..
طريقه التقديم ..
المرقه بزبديه وتنحط بنص الصحن من عالجوانب تنحط الدغابيس ..
وصحن اخر يضع به الدجاج وبمكانك تزينه حسب طريقتك ورغبتك ..
~~~~~~
ملاحظه ...- العدس ناس يحطونه مع الدغابيس وله اسم ناسيته وناس مايفضلونه ...عني يعجبني جدا ويعطي نكهه غير الفوئد..
- شي ثاني البصل يقطع ويضع بزبديه المرقه قبل او عند التقديم
((ايضا حسب الرغبه ))
واخيرا الليمون الاسود او اللومي حسب الرغبه انا احبه بس ابو الشباب مايطيقه فتنازلت عنه ...
انصحكم فيها خصوصا هلالايام وبالاخص غاليات الرياض تمسك البطن وتدفي مع هالجو ...~
وبالعافيه على قلوبكم يانفداها ...
مخرج~~
والله مااغبط الي سكن وسط باريس
كنه ومايملك حلالي ومالي
لو سكروا من دونها بالمتاريس
نقدم على الموت الحمر مانبالي
لا واعذابي لاقضى باقي الكيس
قعدت اصفق باليمين الشمالي
وشلون ابسلى عن كثير الهواجيس
والبيت من باقي الدغابيس خالي
((منقول من شاعر غامدي شكله كان جوعان ومشتهي دغابيس ومخلص الدقيق عندهم ماينلام
))