يادكتورة طمنيني الله يخليكي؟؟؟ولدي بيروح من بين يديني

السلام عليكم ورحمة الله وبركاته
الله يخيليكي يادكتورة منشغل بااااااالي كثير مو قادرة انام الليل
ولدي عمره 3 سنوات و4 شهور
جته حرارة فجأة وصلت حرارته لين 40 اعطيته تمبرا خافض للحرارة مع الكمادات والحمدلله نزلت ووصلت لين 38
وفي الليل ارتفعت حرارته يعني بعدها ب 8 ساعات
واعطيته تحاميل اسمها ACET160
والحمدلله انخفضت حرارته وبعدها ب 6 ساعات اعطيته وحده ثانية والحراارة راحت وصار طبيعي
المصيبة انه في الصباح لقيت الولد منتفخ جسمه وكله حبوب ومو قادر يفتح عيونه او يتنفس والحبوب منتشرة بكل مكان في جسمه
هو عنده حساسية ضد البنسلين بس مااعطيته اي مضاد بس التحاميل و تمبرا
رحت وديته على طول لدكتورة العائلة في الصباح<<<لاني في غربه لا يوجد طبيب خاص بلاطفال اولا نروح طبيبة عائلة
ومن يوم شفتها هنديه عرفت مافي راسها شئ قالت الولد ماعنده اي التها ب في الحلق او الاذن وسألناها وش سبب الحبوب والحكه وانتفاخ جسمه تقول انها ماتدري
بعدها جلست تشوف الحبوب وتلمسها قالت احتمال يكون من التهاب حلق وهي تكشف تقول ماعنده التهاب الحمدلله الولد ياكل كويس ومافيه كحه
ووصفتلي مضاد حيوي ضد البنسلين لمدة 10 ايام اسمه BIAXIN مرتين في اليوم
اعطتني له لوشين الوردي اسمه CALAMINE
والحين صار لي يومين مافيه اي تغير الحبوب مازالت موجودة والولد متضايق وطول اليوم يبكي ويحك الحبوب لدرجة ظهور الدم وبشرته ناشفة كثير دهنتها بفازين ومافيه فايدة الولد شكلة يضيق الصدر كانه مكبوب عليه مويه حاره
اكتبلك ودموعي في عيوني الله يخليك طمنيني ماادري وش اسوي اخاف الولد يروح من بين يديني وانا ماسويت شئ