اهلين يابنات حواء الغاليات
ايتكم اشكي همي لان فكري دايم مشغووول بهالموضوع
وعيني ماجفت من الدموع بالاخص اليوم
بنتي عمرها 9شهور متعلقة بالشغالة حييييل
ومشكلتي اني بعيدة عن بنتي هالايام من شهر تقريبا ثلاث ارباع يومي برا
ارجع تعبانة وبنتي تحب اللعب فاضطر العب معها نص ساعه الى ساعه واتعب
واعطيها الشغالة
المشكلة و هنا لا؟؟؟؟؟؟؟؟؟؟
الاعظم انها ماترضى تجي معاي بسهولة
ووقت النوم تصيح في الظلمة ابي انومها على صدري تتلفت كنها تدور احد فاقدته
واقصد الشغالة
والقهر تجي الشغالة تركض من غرفتها وتاخذها مني
والمشكلة ما اقدر اقول للشغالة شيء او اهاوشها لان بنتي تتعلق بصدرها
على طوووول
وتجي مع اي احد عادي الا معاي
احس الشغالة مسوية لها عمل تكره امها :icon33:
احيانا ابوها طول اليوم مايشوفها واذا جاء تركض له
تشتاااااق له
اتمنى تسوي معاي كذا؟
افيدوني
هل الطفل بهالعمر يفهم اني انا امه؟
وشلون اخليها تتعلق فيني علما اني بعد شهر راح يستقر وضعي واقعد في البيت؟
ارجوكم حسو فيني
واتمنى موضوعي ماينحذف لان عندي مشكلة ابي لها حل
اهلين يابنات حواء الغاليات
ايتكم اشكي همي لان فكري دايم مشغووول بهالموضوع
وعيني ماجفت من الدموع...
نفس غلطتي ببنتي الاولى لجهلي بالامومه وبالاطفال
تخيلي نامت معي بعد ولادتي تقريبا شهر ونص وطبعا كانت تقوم احيانا بالليل تبكي فكانت الشغاله لما تسمعها تجي تدق الباب تطلبها وانا اقول في نفسي عادي تساعدني فيها
وشوي شوي انتهت اجازة الامومه وجاء الدوام فلما تقوم الليل تجي الشغاله تاخذها وانا في نفسي اقول يالله هي اللي جت ماناديتها خل تاخذها وانا انام شوي قبل الدوام
وبالتدريج صارت تنيمها معاها من اول الليل وفي الظهر اجي الاقي معطيتها اكثر من رضعه احاول ارضعها ترفض لانها شبعانه
اقول لنفسي يالله العصر اذا صحيت من النوم برضعها
اقوم العصر ابي ارضعها الاقي الشغاله مبدلة ملابسها ومعطتيتها الحليب وتلعبها والبنت شبعانه ماتبي ترضع مني وشوي شوي لين انفطمت مني وعمرها 3 شهور بس حاولت معها وحاولت انها تستمر في الرضاعه مني جوعتها يوم كامل عشان ترضع مني رفضت
اشتريت حلمه صناعيه واحطها على صدري عشان اوهمها انها الرضاعه وبرضو رفضت
بكيت وبكيت بس مافاد الشغاله قطعت اخر خيط كان يربطني فيها
حتى تغيير ملابسها وتحميمها كانت تسبقني تسوي لها كل شي وتعلقت فيها كثير لحد ماجت صييه من الصيفيات وقررت اسافر انا وبنتي وزوجي وبس والشغاله تركتها عند اهلي والله لا يوريك لحظة الوداع بين بنتي والشغاله كنه فلم هندي يبكون ويضمون بعض
بس قلت لازم احط حد لهالمهزله
والحمد لله شوي شوي بدت تتعود علي وصارت تنام جنبي ونسيت الشغاله
قصيت لك قصة حياتي بس حبيت اقول لك عالجي الخطأ من الحين ولا تغلطين غلطتي
طبعا هذا صار درس لي بنتي الثانيه لما جت عطيتها كل حناني ماخليت الشغاله تلمسها الا وقت الدوام ومجرد ماادخل البيت خلاص مالها اي علاقه فيها
والنتيجه ماترضى احد يسوي لها شي غيري
حتى الرضاعه ماانفطمت الا بعد سنتين وشهرين وبالقوه بعد يعني عشت الامومه معها بالكامل