يادكتوره كيف أعرف انه تبول لاإرادي أو ....ضعي سؤالك في موضوع الدكتوره

عندي ولد عمره 6 سنوات

من أول ما علمته على الحمام وهو لازم ينزل شوي من البول ( الله يعزكم ) في البنطلون وسكت قلت

يمكن يكبر وتروح هالعاده والان بيكمل الست سنوات ومازالت ولما يشوفني زعلت يقول يا ماما والله مادريت عن نفسي هو بلحاله يطلع يعني البول وحتى وهو نايم ينزل كميه من البول رغم اني اخليه قبل لايروح للفراش يروح الحمام ولا اخليه يشرب مويه او اي سوائل قبل النوم واتفاجأ انه تبول

والله تعبت من كثر التغيير المستمر في اليوم حوالي اربع مرات اغير ملابسه حاولت اغريه بأشياء يحبها اقول له لو جاء الليل وانت ما غيرت ملابسك وجلست نظيفه اعطيك كذا او كذا

وما يجي الليل الا وغيرت له كذا مره وهو ياقلبي يحزن لما يشوفني تضايقت

والان خلاص قربت المدرسه وصار لازم احزم الموضوع لآني ابغى اعلمه على الطهاره علشان الصلاه وللاسف ما قدرت كل محاولاتي فشلت

علما يادكتوره عقليته سليمه 100% ولا يشكي من اي شي ولله الحمد

الله يجزاك الخير يادكتور ويابنات

ودي اعرف كيف يكون تبول لاإرادي او تبول استعباط يعني هو من نفسه يعملها علشان ما يروح الحمام